________________
એને કહેવું શું ? આ તે એવી મૂર્ખતા કહેવાય કે જેને માટે શબ્દકેશમાં કેઈ શબ્દ નહિ મળે.
આથી સદવિચાર પરિવારને હું ધન્યવાદ આપું છું કે તમારે પ્રયાસ આવતીકાલે સફળતા પામશે. આજે બીજ વાવી રહ્યાં છીએ તો તે ક્યારેક તે વૃક્ષ બનવાનું જ. ભવિષ્યની પેઢીને એનું ફળ જરૂર મળશે. સદવિચાર પરિવાર તરફથી આજે સદ્દભાવનાનું બીજ રોપવામાં આવે છે. તેનું આજે નહિ તે આવતીકાલે, શુભ પરિણામ આવશે જ, તે અનેક વ્યક્તિઓને માટે શાંતિનું સાધન બનશે, અનેક રાષ્ટ્રોને માટે ઉપયોગી અને માર્ગદર્શક બનશે. આપણે બીજા દેશેની વાત જવા દઈએ તે પણ આપણે દેશની દશા જોઈને મનમાં એવો વિચાર આવે છે કે આપણે કેટલાં બધાં જુદાં જુદાં રાજ્યમાં વહેંચાયેલા છીએ ? વ્યવસ્થાની અનુકૂળતા ખાતર રાજ્યની રચના થઈ, પરંતુ એ વ્યવસ્થામાં એવી વિકૃતિ આવી કે એમાંથી ભાષાની સમસ્યા પેદા થઈ. અને આગળ જતાં એમાં સાંપ્રદાયિક દ્વેષભાવને જન્મ થયે.
આ દેશ અંદરોઅંદર ખૂબ લડયો છે. ગાંધીજીએ રામરાજ્યની એવી સુંદર કલ્પના કરી હતી કે આપણે આ દેશમાં એ આદર્શ સાકાર કરીએ. ભારત સમગ્ર વિશ્વને માટે યુનિવર્સિટી બની જાય. આખી દુનિયાને જ્ઞાન અને પ્રકાશ આપનાર બને. આપણી પાસે જે વિચાર પ્રકાશ અને વિચારની મૂડી છે તે સમગ્ર વિશ્વમાં વહેંચી શકીએ,
