________________
Shri Mahavir Jain Aradhana Kendra
www.kobatirth.org
Acharya Shri Kailassagersuri Gyanmandir
[१५] परस्परोपकाराय, सत्प्रेमेव प्रियंकरम् । प्राकव्यं तस्य कर्तव्यं, सर्वकर्त्तव्यकर्मसु ॥ १५३ ॥ सत्प्रेमणि वरं मृत्युः, प्रेमाऽभावेन जीवनम् । अमृतत्वं परं प्रेम, आत्मज्ञानेन लभ्यते॥१५॥ सर्वजीवैः सहप्रेम, मैत्रीभावाय जायते। ततः समत्त्वसंलाभात्, समाधिर्जायते सताम् ॥१५५॥ यत्रात्मैव परात्माऽस्ति, वेद्यतेऽनुभवः स्वतः। शुद्धप्रेम्णः समाधिस्तु,जायते नाऽत्रसंशयः॥१५६॥ पूर्वसंस्कारजं प्रेम, गुप्तं नैव कदा भवेत् । दृष्ट्वा परस्परं शीघ्र, प्रेमी प्रेम्णोपलक्ष्यते ॥१५७॥ मनोवाकायवित्तादि, तुच्छं नासामलादिवत्। स्वतन्त्रं सर्वदोत्कृष्टं,शुद्धप्रेम सदास्तुमः॥१५८॥ शुद्धप्रेमणि निर्दोष, विश्वं सर्वं खभावतः। वस्तुतस्तु स्वभावेन, ज्ञायते प्रेमयोगिभिः॥१५९॥ सर्वत्र प्रेमिभिर्दोषा-दृष्टव्या न परस्परम् । एकएव प्रभुर्वीरो विज्ञाय सर्वदेहिनाम् ॥१६०॥ कामादिवासनाजेता, प्रेमपात्रं भवेजनः। नीतिप्रेमप्रभावेण, मर्यादा प्रेमतां श्रयेत् ॥ १६१ ॥ परिपक्वमहाप्रेम्णो-व्यापकप्रेमजायते । व्यापकप्रेमलाभेन, भवेत्प्रेमी रसेश्वरः ॥ १६२ ॥ वैराग्यस्याऽपि वैराग्य-मास्तिकस्य विचारणा। प्रेमैव व्यापकं ब्रह्म स्तुवे पूर्णरसेश्वरम् ॥१६३॥ एकेन्द्रियादि जीवेषु, व्यापकाय नमोनमः। सर्वजातीय जीवेभ्यो नमः प्रेमविलासतः ॥१६॥
For Private And Personal use only
