Prastavana Trayi

SR No.: 008638
Original Sutra Author: N/A
Author: Shobhanmuni, Ajitsagarsuri
Publisher: Buddhisagarsuri Jain Gyanmandir
Total Pages: 102
Language: Sanskrit, Gujarati
Classification: Book_Devnagari & Literature
File Size: 6 MB

Page 56

४२]
[ शोभनस्तुतेः धनपालोऽपि स्वनिर्मितटीकायामेवं स्पष्टतया तद्विज्ञापयामास । भिक्षाटनं कुर्वताऽनेन मुनिनाऽपूर्वभाववाहिनी गम्भीरार्थगौरवान्विता विविधच्छन्दोऽलङ्कारादिसमन्विता षण्णवतिकाव्यमयी स्तुतिरिय व्यधायि, तर्हि तत्कृता अन्ये ग्रन्थाः कथं न भवेयुः ? अखिलानि पुस्तकनिधानानि दुःषमसमये नष्टप्रायाण्यभूवन तत्र किमक्षयं भवेत् ? केवलं सिद्धान्ततत्त्वकोविदोऽयं नासीत् , महामुनिधर्मविराजितोऽप्यभवत् । धनपालः स्वयमेवोचे-रूपेण स्वाकृत्या सद्गुणैश्च स शोभनः समभूत् , नाम्नैव न । अस्य स्तुतिकारस्य ज्येष्ठभ्रातृधनपालरचितैतत्स्तुतिटीकाऽवतरण-तद्रचिततिलकमञ्जरीपीठिका-चन्द्रप्रभसूरिकृतप्रभावकचरित्रस्थश्रीमहेन्द्रसूरिप्रबन्ध--श्रीमेरुतुङ्गाचार्यविहितप्रबन्धचिन्तामणौ भोजभीमप्रबन्ध-श्रीहरिभद्रसूरिकृतसम्यक्त्वसप्तति-श्रीसंघतिलकसूरिरचितवृत्ति-श्रीविजयलक्ष्मीसूरिकृतोपदेशप्रासाद-श्रीजिनलाभसूरिरचितात्मप्रबोधादिग्रन्थानुसारेण मया यथोचितमिदं शोभनमुनिवृत्तं निवेदितम् । तर्कालंकार-न्याय-काव्यतीर्थोपाधिधारिणा श्रीहिमांशुविजयमुनिराजेन गुर्जरप्रस्तावनायां तच्चरित्रं सम्यग विशदीकृतं, तेनाऽपि महाशयाः तुष्टिं लभेरन् । अस्मिन्विषये क्वचिन्मतभेदोऽप्यस्त्येव, वस्तुतस्तदकिञ्चित्करम् । श्रीशोभनमुनेः पितरं सर्वदेवं गुणनिष्पन्नतया-उपनामतः, सोमश्रीभार्यायाः साम्यतश्चाऽन्ये ग्रन्थकाराः लक्ष्मीधर-सर्वधर-सोमचन्द्रनामतो निर्दिशन्ति धनपालस्तु निजपितरं ' सर्वदेव' इत्याख्यया ख्यापयति, मयाऽप्यतस्तन्नामनिर्देशो विहितः । श्रीधनपालः स्वरचिततिलकमञ्जयाँ श्रीमहेन्द्रसूरिं प्रशंसति-अतो दीक्षागुरुः स एवात्र निर्दिष्टः, केचिच्च वर्द्धमानसूरिं जिनेश्वरसूरिं च दीक्षागुरुं दर्शयन्ति । जैनग्रन्थकाराः दीक्षागुरुंविद्यागुरुं च तं निर्दिशन्ति । इत्थं मतभेदाः सन्ति यतो-वर्धमानसूरेः, महेन्द्रसूरेश्व समकालीनत्वं तत्र हेतुत्वेन गण्यते । परं तु दीक्षागुरुस्तु महेन्द्रसूरिरेव विद्यागुरुत्वेन श्रीवर्धमानसूरियदि संभाव्येत तीषद्युक्तं स्यात् ।