Ajitsen Shilwati Charitram

SR No.: 008515
Original Sutra Author: N/A
Author: Ajitsagarsuri
Publisher: Ajitsagarsuri Shastra Sangraha
Publication Year: 1928
Total Pages: 244
Language: Sanskrit
Classification: Book_Devnagari & Story
File Size: 15 MB

Page 70

श्री अजितसेन
-शीलवतीचरितम् ।
॥ २८ ॥
24-193+2014+193+864
www.khatirth.org
र्भवतो दुराचरणेन सोद्विग्ना सा दुरन्तं परिणामं विनिश्चित्य कूपपातं विधायाऽम्रियतेति प्रधानोक्ति कर्णगोचरीकृत्य धनपालस्तमपृच्छत्-प्रधानाग्रणीः १ सा वराकी कूपे पतिता तदानीं युष्माभिर्बहिर्निष्कासिता न वा ? प्रधानोऽवदत्-भवतः पितुर्वसानकालोऽभवत्तस्मिन्नेवक्षणे तया कूपपातो विहितस्तस्मादस्माभिस्तदीयमपकृत्यं न ज्ञातं कैश्चिदपि, यतो वयं सपरिचारा महेभ्यस्यान्तकालोचितायां क्रियायां व्यग्रा अभूम कियन्तो जनाश्च भवन्तं समाह्वातुं व्याकुलचेतसोऽभवन् । श्रतस्तदवसरं स्वचिकीर्षितानुकूलं ज्ञात्वा सा दैववशात्केनाऽप्यदृष्टसञ्चारा निन्द्यतमं कूपपतनमकरोत् । कुतश्चित्कार्यवशात्तस्याः शुद्धिर्विहिता, तदाऽस्माभिः प्रासादे सा नालोकिता । तदनुसर्वत्र जनैः सा परिशोधितातथाऽपि कुत्रचित्तच्छुद्धिर्नालभ्यत, ततः खिन्नास्ते वाप्यादिकं विलोकयन्तः कूपे पतितां प्राप्तपञ्चत्वां तां निरीच्यास्माकं सन्निधौ शीघ्रंसमागत्य तद्वृत्तान्तं न्यवेदयन् । इदानीमपित्वत्पत्नीदेहः कूपोपकण्ठे पतितोऽस्ति, तादृशं तद्वचनं निशम्य धनपालः समाचख्यौ - स्त्रीमरणवृत्तान्तं श्रुत्वाऽमन्दानन्दः सञ्जातः, जनकस्य मरणं विदित्वा यो मे विषादोऽभूत्सोऽस्याः स्त्रियाउदन्तं निशम्योपशान्तः । संसार काननेनिपतितानां सुखदुःखे समाने भवतः, अतस्तज्जन्यशुचं शिथिलीकृत्य त्वं गृहं याहि, द्वयोर्मृतवपुषी गृहीत्वा भवन्तः सर्वेऽत्रागच्छन्तु, अहमप्यत्रस्थितो भवद्भिः सार्द्धं स्मशानभूमिं समागत्य द्वयोर्देहयोर्यथाविधि संस्कारं विनिर्माय दाहक्रियां पूर्णयिष्यामि । ईदृग्विधेन तदीयवचनेन सञ्जातक्रोधः प्रधानोऽवदत्- भवानस्माकं स्वामिनः सूनुस्तस्मादियच्चिरं भवता यदुक्तं तत्सर्वं श्रुतमस्ति परन्त्विदानीं त्वदविनयेन त्याजितमर्यादोऽहं त्वां किञ्चित्कथयामि श्रेष्ठिवंशे भवादृशः कुपात्रो - कृत्यसेवी कोऽन्योऽङ्गारकसदृशः पुत्रोभवेत् ? त्वादृशं मूर्ख कुत्राऽपि न व्यलोकितवानहम् । मूर्खशिरोरत्न ! यौ मातापितरौ
+++++***
Acharya Shri Kasagarsun Gyanmand
द्वितीयः प्रस्तावः ।
॥ २८ ॥