________________
अपराजितपृच्छा निघण्टुश्च व्याकरणं छन्दोलङ्कारसंयुतम् । मनुसाध्यसमुद्भूतं संसारपाशछेदनम् ॥ १६ ॥ मुक्तिमार्गरहस्यं च कथितं भक्तवत्सलैः ।
तुर्योऽयं मानसः पुत्रः पृच्छति त्वपराजितः ॥१७॥ अपराजित उवाच
अस्मश्चित्ते प्रबोद्धव्यं जयाय पृच्छते च यत् । विजयश्च सिद्धार्थश्च पृच्छायां यत्तथैतयोः ॥ १८ ॥ भवान् पुष्पकमारुह्य प्रोक्तवान् यदनुग्रहात् । पूर्व सर्व प्रसादेन कथयस्व जगत्पते ॥ १९ ॥ पुष्पकं तु समारुह्य मेरुमार्गप्रदक्षिणम् । अवालोकि तथा चैषा समुद्रान्ता च मेदिनी ॥ २०॥
इति सूत्रसन्तानगुणकीर्तिप्रकाशप्रोक्तृश्रीभुवनदेवाचार्योक्तापराजितपृच्छायां
जयविजयसिद्धार्थपृच्छाधिकारो नाम चतुस्त्रिंशं सूत्रम् ॥
