Page Text
________________
કળશ-૧૮૫
૫૪૧
નામે કર્મકાંડ (કર્યા. આટલી ક્રિયા કરી, આ ક્રિયા કરી બસ ! એનાથી કલ્યાણ થશે, એનાથી કલ્યાણ થશે.
અહીં તો કહે છે, પ્રભુ ! એકવાર સાંભળ તો ખરો ! તારી વસ્તુમાં તું જે રાગ કરે છે, એ વસ્તુમાં છે જ નહિ. છે નહિ તો એનાથી લાભ થશે એમ કેમ બને ? તારી ચીજમાં તો આનંદ ને જ્ઞાન ને શાંતિ... શાંતિ... શાંતિ... શાંત. શાંતરસ, ઉપશમ રસ (ભર્યો છે). રાગાદિ કષાય જે વિકાર છે એ દુઃખરસ છે. ભગવાન આત્મા આનંદરસ છે. તો “હમ્' સ્વસંવેદન છું. હું મારાથી જણાવાલાયક આત્મા છું. આહાહા..! ગુરુથી પણ હું જણાવાલાયક નથી એમ કહે છે. ગુરુ તો પરદ્રવ્ય છે. હું તો મારાથી જણાવા લાયક છું, હું મારો ગુરુ છું. આહાહા..! સમજાણું કાંઈ ? આવ્યું ?
સ્વસંવેદનપ્રત્યક્ષ છું કે હું જીવદ્રવ્ય તે.... (શુદ્ધ વિનયમ્ જ્યોતિ:) હું તો “શુદ્ધ જ્ઞાનસ્વરૂપ પ્રકાશ' (છું). જ્યોતિ એટલે પ્રકાશ. શુદ્ધ જ્ઞાનસ્વરૂપ પ્રકાશની (જ્યોતિ છું). જેમ સૂર્યનો પ્રકાશ છે એ જડ છે, આ પ્રકાશ અજીવ છે. હું શુદ્ધ ચિન્મય પ્રકાશમૂર્તિ સૂર્ય છું. જ્ઞાનના પ્રકાશનો પૂંજ હું છું. આહા..હા..! આ પ્રકાશના અસ્તિત્વને પણ જાણવાવાળો હું છું. એ જડ પ્રકાશને તો ખબર પણ નથી કે હું જડ છું. એમ હું મને અને પરને પ્રકાશું એવો શુદ્ધ જ્ઞાનમય પ્રકાશમય હું છું. આહા..હા..! આવો માર્ગ ! નવરાશ ન મળે, ફુરસદ ન મળે. ચોવીસ કલાક – આખો દિ બાયડી, છોકરા, ધંધો.. છ-સાત કલાક સૂવે, બેચાર કલાક બાયડીને રાજી કરવામાં ને ભોગમાં જાય, ખાવામાં જાય, થોડો (સમય) મશકરીમાં જાય.. અર.૨.૨...! જિંદગી ચાલી જાય છે. અને ધર્મને નામે આવે તો વ્રત ને તપ ને ભક્તિમાં રોકાય જાય. જિંદગી ચાલી જાય છે નાથ, પ્રભુ ! આ અવસર, ભવનો અંત કરવાનો આ ભવ છે. આહાહા..! સમજાણું કાંઈ ?
હું ચિન્મય જ્યોતિ... છે ? “ક્ષિ' આહા...હા...! “શુદ્ધ જ્ઞાનસ્વરૂપ પ્રકાશ...” આ સૂર્યનો પ્રકાશ તો જડ છે, અજીવ છે અને આતાપ દેવાવાળો છે. સૂર્યનો પ્રકાશ તો આતાપ દેવાવાળો છે. મારો પ્રકાશ તો શાંતિ દેવાવાળો છે. આહાહા....! પોતાની ચીજની મહિમા નથી અને પોતાની મહિમા નથી તો પરની મહિમા છૂટતી નથી. આહાહા...! અને જેને પરની મહિમા છૂટી ગઈ તેને પોતાની મહિમા આવે છે. અને પોતાની મહિમા જેને નથી તેને પરની મહિમા છે. રાગ અને રાગનું ફળ પુણ્ય અને ધૂળ, આ પૈસા-બૈસા મળે, પાંચપચીસ લાખ, કરોડ-બે કરોડ ધૂળ, દીકરા, બાયડી, છોકરા (મળે તો માને કે અમે સુખી છીએ. મૂઢ છે, સુખી ક્યાં દુઃખી છે. આહા..હા..! સોજા છે, સોજા ! સોજા સમજાય છે ? શરીરમાં શું સૂજન. સૂજન કહે છે ને ? શરીરમાં સોજા આવે છે.
હમણાં એક (વાત) આવી હતી નહિ ? “અમેરિકામાં ! દક્ષિણ “અમેરિકામાં એક પ્લેન તૂટી ગયું. છાપામાં આવ્યું છે. દક્ષિણ અમેરિકા' ! મોટું પ્લેન હતું એ જંગલમાં તૂટી
| SR No. | 008260 |
| Book Title | Kalashamrut Part 5 |
| Original Sutra Author | N/A |
| Author | Kanjiswami |
| Publisher | Digambar Jain Swadhyay Mandir Trust |
| Publication Year | 2006 |
| Total Pages | 609 |
| Language | Gujarati |
| Classification | Book_Gujarati, Spiritual, & Discourse |
| File Size | 3 MB |