Page Text
________________
૨ ૬૦
જ્ઞાયક સ્વરૂપ પ્રકાશન બે મિનિટમાં કામ થઈ જાય એટલી મારી લાગવગ છે અને પૈસા જોઈતા હોય તો ઢગલાબંધ આપણી પાસે છે. જેટલા જોયે તેટલા માંગો. જે કાંઈ તકલીફ હોય તે દૂર થઈ જશે. પણ તકલીફની વાત તો કરો, કે મિત્ર શું કહું બહુ તકલીફ છે. છોકરો તકલીફમાં મુકાણો છે. પૈસા ખોઈ નાખ્યા છે. એમાં કઈ મોટી વાત છે. પૈસા જોઈએ છે કેટલા? કે પચ્ચીસ લાખ. કાંઈ વાંધો નહીં. લખી દઉં ચીઠ્ઠી. તમે બીડી દ્યો તમારા દીકરાને, તમારા દિકરા ઉપર કે પચ્ચીસ લાખ મારો દીકરો તમારા દિકરાને આપી દેશે. એમાં સવાલ જ નથી. કરોડપતિઅબજપતિ માણસો એને પચ્ચીસ લાખ એટલે કાંઈ નહીં. હે ! સામાન્યને પચ્ચીસ હજારેય મુશ્કેલ.
આ તો મોટી પાર્ટી એણે એક ચીઠ્ઠી લખી કે મારા આ મિત્ર તેનો દિકરો તકલીફમાં છે અને તું દાગીના પર જવેરાત રાખીને રૂપિયા પચ્ચીસ લાખ તેને આપ. શું લખ્યું ? માલ રાખીને પચ્ચીસેક લાખ રૂપિયા તું આપજે. કાગળ આવ્યો ચીઠ્ઠી, ખુશી ખુશી થઈ ગયો. એ વખતે બરાબર-૯ વાગ્યા'તા ને ફિલ્મમાં જવાની એકદમ ઉતાવળ હતી બેય માણસને એકદમ. આહાહા! શેઠના છોકરાએ કાગળ વાંચ્યો કે તમે રૂપિયા પચ્ચીસ લાખ આ માલ લઈને આપજો. પણ રૂપિયા પચ્ચીસ લાખ આપજો તેટલું વાંચ્યું. ઓલું માલ લઈને તે ભૂલાઈ ગયું. પીક્સરમાં જાવું'તું ને એટલે જલ્દી ખીસ્સામાં કાગળ નાંખ્યો શું ને બીજે દિવસે ઓલાને બોલાવ્યો. પચ્ચીસ લાખ લઈ જા. બહુ સારું. આભાર તમારો. પચ્ચીસ લાખ રૂપિયા આપી દીધા છોકરાએ.
દીકરાએ થોડો ટાઈમ થયો ત્યાં કાઢ્યું દીવાળું ઓણે, આહીંયા ખબર આવ્યા શેઠ પાસે, ઓલા પૈસાવાળા પાસે, કે તમારા દિકરાના દિકરાએ દીવાળું કાઢ્યું. ટાઢે કલેજે બેઠો હતો એને તો એમ કે માલ લઈને રૂપિયા આપવાનું લખ્યું છે. એટલે મારે ક્યાં કાંઈ ચિંતા, મારા રૂપિયા જાય નહીં. પછી ઓલાનો કાગળ આવ્યો છોકરાનો કે તમે રૂપિયા પચ્ચીસ લાખ આપવાનું કહ્યું બાપુજી, મેં તો આપી દીધા. પણ પાર્ટી ફેઈલ થઈ ગઈ. બાપુજી કહે પાર્ટી ફેઈલ થઈ તો આપણું કાંઈ જાવાનું નથી. ત્રીસ ચાલીસ લાખનો માલ રાખીને આપ્યા હશે ને પૈસા ! મેં કાગળમાં લખ્યું તું આ. ઈ કાગળ વાંચ્યો એણે. આહાહા ! મારી ભૂલ થઈ ગઈ. કાગળ તો વાંચ્યો પણ પૂર્વાર્ધ વાંચ્યો પણ ઉત્તરાર્ધ વાંચ્યો નહીં. રૂપિયા આપજે પણ માલ લઈને આપજે એ ન વાંચ્યું. રૂપિયા આપજે, આપી દીધા, ગયા રૂપિયા.
એમ આ પરમાગમ શાસ્ત્ર છે તેને સમજીને જો વાંચે, વિચારે ને વ્યવહારનયના કથનને ગૌણ કરી અભૂતાર્થ કરે, અને નિશ્ચયના કથનને યથાર્થ જાણી અનુભવ કરે તો થાય
| SR No. | 008241 |
| Book Title | Gnayak Swaroop Prakashan |
| Original Sutra Author | N/A |
| Author | Lalchandra Pandit |
| Publisher | Digambar Jain Kundamrut Kahan |
| Publication Year | 2007 |
| Total Pages | 487 |
| Language | Gujarati |
| Classification | Book_Gujarati, Spiritual, & Discourse |
| File Size | 3 MB |