Gnayak Swaroop Prakashan

SR No.: 008241
Original Sutra Author: N/A
Author: Lalchandra Pandit
Publisher: Digambar Jain Kundamrut Kahan
Publication Year: 2007
Total Pages: 487
Language: Gujarati
Classification: Book_Gujarati, Spiritual, & Discourse
File Size: 3 MB

Page 208

પ્રવચન નં. ૧૫
૧૯૧ છે, તેથી હેય છે. આ આત્મા તો પ્રગટ છે, પ્રગટ થાય તે જીવ નહીં. પ્રગટ થાય તે અજીવ ને પ્રગટ છે તે જીવ. આ જીવ ને અજીવની બે વ્યાખ્યા. અજીવ કહો કે પરદ્રવ્ય કહો, એક જ વાત છે. અપૂર્વ વાત છે આ. એમ કહ્યું ને કે તે સાંભળી નથી કોઈ દિ', પરિચય કર્યો નથી આત્માનો, અને તેને અનુભવમાં પણ આત્મા આવ્યો નથી. એવા આત્માની તે માંગણી કરી છે ને, તો એવો આત્મા હું તને કહીશ.
માગે એને મળે. એક કહેવત છે ને માગ્યા વિના મા પણ પીરશે નહીં. એમ કહેવત છે કહેવત, માગ્યાં વિના મા પણ આપે નહીં. નિશાળેથી આવ્યો હોય છોકરો, ધુંઆફુઆ થાતો, તોફાન કરે, પણ કહે કે મને ભૂખ લાગી છે મા મને કાંઈક આપ, તો હું તને આપું ને. તું તો રમતમાં, તારો જીવ છે. તું ક્યાં માગણી કરે છે. એમ જે માંગે એને આપે છે આચાર્ય ભગવાન ! આહાહા ! માગણી કરી છે ને. હે પ્રભુ ! એકત્વ વિભક્ત આત્માની વાત હું કહીશ એમ આપે કહ્યું, તો એવો આત્મા કોણ છે? કે મારા જાણવામાં આવ્યો નથી. મને જણાવો કૃપા કરીને અને એનો અનુભવ કેમ થાય, એક સાથે બે પ્રશ્ન કર્યા. અનુભવ ને અનુભવનો વિષય, બે માગણી કરી. પૂરી માગણી કરી લીધી અને પૂરેપૂરો ઉત્તર એક ગાથામાં આપી દીધો.
તારે સાતમીગાથા ભણવી નહીં પડે. ૪૧૫ ગાથા ભણવી નહીં પડે. ભાવથી ભણી લે છઠ્ઠી ગાથા, તને અનુભવ થાશે. આહાહા! ભાવથી ભણવાની વાત છે હો. ધારણામાં રાખવાનું કે શબ્દ એની વાત નથી. એનું વાચ્ય જે કહેવા માગે છે, વાચ્ય એના ખ્યાલમાં આવવું જોઈએ. વચન જે આવે છે એનું વાચ્ય શું છે. એ તારા જ્ઞાનમાં જણાવું જોઈએ.
નિત્ય, હંમેશા હો, ઉદ્યોતરૂપ છે, પ્રગટ છે એ તો આત્મા. પ્રગટ થાય એ જીવતત્ત્વ નથી. પ્રગટ થાય તે પર્યાય છે અને પર્યાય છે ઈ વિભાવ, વિશેષભાવ છે. આહાહા ! તે પર્યાયમાં જે જીવનું લક્ષણ છે, તે પર્યાયમાં લક્ષણ નથી. હવે ૧૮૫ કળશ કાઢો આમાં છે. સમયસાર જ છે ને, હાજર જ છે આમાં. કેટલાક બેનોને તો આ કળશ મોઢે કરાવ્યો છે સંધ્યાબેને. કેટલાક ભાઈઓને ને બહેનોને મોઢે કરાવ્યો છે. ૧૮પ છે ને. આ ૧૮૫ કળશ ૪૪૨ પાને છે. કોઈ આગળ પાછળ પાનું હોય તો જોઈ લેજો. કળશ ૧૮૫ છે.
આ તો જેને શુદ્ધાત્માની પડી છે ને, મારે શુદ્ધાત્મા જોઈએ છીએ, મારે હવે સત્તાય જોતી નથી અને લક્ષ્મી પણ જોતી નથી. કેમ કે સત્તાનો બહુ ભોગવટો કર્યો અનંતકાળમાં, રાજા થયો ત્યારે અને સ્વર્ગમાં ગયો ત્યારે લક્ષ્મીનો ઉપભોગ તો બહુ કર્યો. પણ મારે હવે તો આત્મલક્ષ્મી જોઈએ છે.