________________
#
ઉત્પાદ-વ્યય અને ઉત્પાદવ્યયની ઉપાધિ એટલે શું ?
દષ્ટાંતો દ્વારા સિદ્ધાંતની સમજણ.
જ્ઞાનમાં જાણવું લક્ષપૂર્વક છે કે જ્ઞાનમાં લક્ષ વગર પ્રતિભાસ થાય છે ? કે પ્રતિભાસ થઈ ગયો છે ને પ્રતિભાસનો આવિર્ભાવ થાય છે.
‘‘જ્ઞાત તે તો તે જ છે’’ તેનું રહસ્ય.
સમયસાર-પંચાધ્યાયી-પ્રવચનસાર-પુરુષાર્થ સિદ્ધિ ઉપાય-નયચક્ર-યોગસાર વિગેરે
અનેક શાસ્ત્રોના આધારો.
શેય જણાય છે ? શેયનો પ્રતિભાસ જણાય છે ? જ્ઞાન જણાય છે ? કે તે જ્ઞાનમાં આત્મા જણાય છે ? કે શું છે ? તેવો ભેદ છે ?
પ્રમાણથી એક સત્તા ને નયથી જુદી સત્તા.
દ્રવ્ય પર્યાયનો ભેદ પડે તો પર્યાય પરદ્રવ્ય છે. જો અભેદ થાય તો તે જ પર્યાય આત્મા કેવી રીતે છે ?
શ્રદ્ધાન એકનું ને જ્ઞાન બેનું એટલે શું ? જ્ઞાન સંશોધન આત્માનું કેવી રીતે કરે ? જ્ઞાનમાં પ્રયોગ છે કે શ્રદ્ધામાં ? નિર્ણય કોણ કરે છે ? પરોક્ષ અનુભૂતિ શેમાં થાય છે ? જ્ઞાન કયા ભાવે છે ? જ્ઞાન કોના આધારે નિર્ણય કરે છે ? અનુભવ જ્ઞાનમાં છે કે શ્રદ્ધામાં?
ધ્યેયની ભૂલ હશે તો ધ્યાન નહીં પ્રગટે. દષ્ટિના વિષયમાં દૃષ્ટિ કેવી રીતે નથી ? વર્તમાન વર્તતો ઉપયોગ દ્રવ્યમાં છે ? તે સહિત દૃષ્ટિનો વિષય છે ?
ઉપર્યુક્ત દરેક પોઈન્ટના વિસ્તારપૂર્વક ખુલાસા પૂ.ભાઈશ્રીએ આ પુસ્તકમાં કરેલા છે જેનો સ્વાધ્યાય કરવાથી મુમુક્ષુઓની મૂંઝવણ નીકળીને ભૂલ હશે તો ભૂલ ટળી જશે ને સમ્યક્ કાર્ય પ્રગટ થવાનો અવકાશ ઉપસ્થિત થશે.
પૂ.‘‘ભાઈશ્રી’’ લાલચંદભાઈની ૯૮ મી જન્મજયંતિના સુઅવસરે ‘‘જ્ઞાયક સ્વરૂપપ્રકાશન’’નામનું સમયસારની છઠ્ઠી ગાથાનું પુસ્તક કુલ ૩૫ પ્રવચનો સાથે પ્રકાશિત કરતા સંસ્થા અત્યંત હર્ષ અનુભવે છે. આ છઠ્ઠી ગાથાના પ્રવચનો ઓડીયો તથા વિડીયો કેસેટમાંથી અક્ષરશઃ ઉતારીને પ્રકાશિત કરવામાં આવ્યા છે. આ પ્રવચનો કેસેટો ઉપરથી ઉતારવામાં તથા પ્રુફ ચેક કરવામાં મુંબઈ, સોનગઢ તથા રાજકોટથી જે જે મુમુક્ષુ ભાઈ
