________________
Version 001: remember to check http://www.AtmaDharma.com for updates
પ્રસ્તાવના
કવિવર પંડિત દૌલતરામજી કૃત “છત્ઢાલા જૈનસમાજમાં સારી રીતે પ્રચલિત છે. ઘણા ભાઈ-બહેનો તેનો નિત્ય પાઠ કરે છે; જૈન પાઠશાળાઓનું તે એક પાઠ્ય પુસ્તક છે. સંવત ૧૮૯૧ ના વૈશાખ સુદ ૩ (અક્ષય ત્રીજ) ના રોજ ગ્રંથકારે તે રચ્યું હતું. આ ગ્રંથમાં ધર્મનું સ્વરૂપ ટૂંકામાં સારી રીતે બતાવવામાં આવ્યું છે, અને તે બાળકથી માંડી વૃદ્ધ સુધી સર્વે જીવો તરત સમજી શકે તેવી સરળ ભાષામાં આપવામાં આવ્યું છે.
આ ગ્રંથમાં છ ઢાળ (છ પ્રકરણો) છે; તેમાં આવતા વિષયો ટૂંકમાં હવે પછી આપવામાં આવે છે:
જીવની અનાદિની સાત ભૂલો આ ગ્રંથની બીજી ઢાળમાં જીવની, અનાદિની ચાલી આવતી, સાત ભૂલોનું સ્વરૂપ આપવામાં આવ્યું છે. તે ટૂંકમાં નીચે મુજબ છે:
૧. “શરીર તે હું છું' એમ જીવ અનાદિથી માની રહ્યો છે, તેથી હું તેને હલાવી-ચલાવી શકું, શરીરનાં કાર્યો હું કરી શકું, શરીર સારું હોય તો મને લાભ થાય એ વગેરે પ્રકારે તે શરીરને પોતાનું માને છે; આ મહા ભ્રમ છે. આ જીવતત્ત્વની ભૂલ છે એટલે કે જીવને તે અજીવ માને છે.
૨. શરીરની ઉત્પત્તિથી જીવનો જન્મ અને શરીરના વિયોગથી જીવનું મરણ તે માને છે, તેમાં અજીવને જીવ
Please inform us of any errors on Rajesh@ AtmaDharma.com
