________________
Version 001: remember to check http://www.AtmaDharma.com for updates
૭)
બહેનશ્રીનો જ્ઞાનવૈભવ
પરદ્રવ્યની ભિન્નતાનું સ્વરૂપ, બંધન-મુક્તિનું સ્વરૂપ, નિશ્ચયવ્યવહારનું સ્વરૂપ અદ્દભુત રહસ્યભરેલું, સૂક્ષ્મ, ગહનપ્રશમરસઝરતી વાણીમાં આવતું હતું. તે બધાંનો વિસ્તાર શું હતો તે યાદ આવતું નથી.
૨૦૧૪, કારતક વદ ૧૩
સીમંધર ભગવાનની વાણી જાણે સમુદ્ર ઊછળ્યો હોય તેવી ઘેર ગંભીર, ઉપમા આપી ન શકાય તેવી, ચારે બાજુથી અપેક્ષિત, અન્ના સૂક્ષ્મ અંશો પ્રકાશનારી, સ્વદ્રવ્ય-પદ્રવ્યની સ્વતંત્રતાની પ્રધાનતા બતાવનારી, ચારે બાજુથી સૂક્ષ્મ રહસ્ય સહિત પૂર્ણ સ્વરૂપ પ્રકાશનારી એવી અદ્ભુત યાદ આવે છે, મહિમા બહુ આવે છે. ભગવાનની અભેદ વાણીમાં અનંતા ભાવોનો પ્રકાશ થાય છે,-વગેરે યાદ આવતાં મહિમા બહુ આવે છે; એની વિશેષ સ્પષ્ટતા યાદ આવતી નથી.
૨૦૧૪ કારતક વદ સાતમ
આ જીવ આ ભવ પહેલાં મહાવિદેહક્ષેત્રમાં દેવા... ભાઈ નામે, એક શેઠને ત્યાં પુત્ર હતો, ત્યાર પહેલાં દેવભવમાં હતો. તે દેવલોકનું થોડું વર્ણન યાદ આવે છે. સ્પષ્ટતાને કારણે સાક્ષાત્ જેવું જણાતું હોય તેમ ભાસે છે.
દેવલોકનાં ભોંયતળિયાં રત્નનાં હતાં, લીલા, ગુલાબી આદિ રંગોનાં હતા; ભીંતો રત્નની હતી; કમાન વાળેલા દરવાજા હતા, તેમાં પચરંગી રત્નો હતાં; રત્નોના પ્રકાશથી સર્વ પ્રકાશમય
Please inform us of any errors on rajesh.shah@totalise.co.uk
