________________
તપોવની નિહારે તેના મિત્ર સીંધીભાઈને દહેરાસર દર્શન અને ચૌવિહાર કરતા કરી દીધા. મિત્રના ભાઈને પણ ચૌવિહાર છઠ્ઠ કરાવી સાત જાત્રા કરાવી તથા તે જ મિત્રના પત્ની ફિઝીયોથેરાપીસ્ટને કંદમૂળનો આજીવન ત્યાગ અને રાત્રિભોજન કાયમ બંધ કરાવ્યું. કેવી ધર્મ પમાડવાની ઊંચી પરીણતિ.!! કસ્તુરભાઈ એ એક વખત સરદાર વલ્લભભાઈને જમવા બોલાવ્યા. આવ્યા રાત્રે ૮ વાગે. કસ્તુરભાઈ કહે હું જૈન છું રાત પડી ગઈ છે. તમને જમાડી નહીં શકું. મારું જમવાનું નિમંત્રણ સૂર્યાસ્ત પહેલાનું હોય છે. પાણી આપી વિનય પૂર્વક વિદાય આપી. કેવી ધાર્મિક મક્કમતાની પરિણતિ.!! પાલેજ હાઈવે અમીત ઝવેરીની ફેકટરીમાં ૯૦૦ માણસ કામ કરે. બપોરે જમવાના અવસરે ફેકટરીમાં રાઉન્ડ મારવા નીકળ્યા. કારીગરોને મેલીઘેલી થેલીમાં વીંટાયેલ રોટલી મરચાં આદિ ખાતા જોયા અને વિચારમાં પડી ગયા, “પત્નીને કેટલી વહેલી રસોઈ બનાવવી પડતી હશે. અહીં જ બધાને જમાડું તો કેવું સારું” કારીગરોને બોલાવ્યા. પત્નીને પણ કહી દીધું કે મારું જમવાનું ફેકટરીમાં રહેશે. એકવાર સાંજે ૬ વાગ્યા પછી રાઉન્ડ મારવા નીકળ્યા. કેટલાક કારીગરોને કામ વધારે હોવાથી ઘરે જવામાં મોડું થઈ જતું જોઈને કારીગરોને કહ્યું કે ૬ વાગ્યાથી વધારે કામ કરવું નહિ. કેવી ઉંચી પરાર્થભાવની પરિણતિ.!!
Most Talented Persion is Tensionless Person.
