________________
આ જ ભાગ્યશાળી દીલીપભાઈને આજથી થોડા વર્ષ પૂર્વે બીડીનું વ્યસન હતું. એના વગર ચાલે નહિ. મિત્રોના આગ્રહથી એક વાર પૂ.આ.શ્રી નવરત્નસાગરસૂરીશ્વરજી મ. સા. પાસે વંદન કરવા જવાનું થયું. પૂજયશ્રીની પ્રેરણાથી ચૌવિહારનો નિયમ થોડાક સમય માટે લીધો. મિત્રો પૂજ્યશ્રીને કહે કે આને બીડીનો ત્યાગ કરાવી દો. પૂજ્યશ્રી દીલીપભાઈને અંદરની એક રૂમમાં લઈ ગયા. પોતાના ખોળામાં દીલીપભાઈનું માથું રખાવી ૨-૩ મિનિટ આશિર્વાદ આપ્યા. બોલ્યા કે જા ! હવે તને બીડી યાદ પણ નહી આવે. પૂજ્યશ્રીની કૃપાથી બીડી છૂટી ગઈ. પછી તો ધર્મમાં ખૂબ આગળ વધ્યા. તત્ત્વજ્ઞાન સાંભળતા થયા. ઘરમાંથી બે જણે વર્ષીતપ કર્યો. શ્રાવિકા અને બે દિકરીઓ સાધ્વીજી ભગવંતના કામ સુંદર રીતે સંભાળે છે. દીલીપભાઈ એ કાયમી ચૌવિહારનો જીવનભરનો નિયમ લીધો છે. સાથે ટીવી ત્યાગ, કાયમી ઘરેણાં નહી પહેરવાનો નિયમ, કાયમી ઉકાળેલું પાણી વિગેરે ઘણી આરાધનાઓ કરી રહ્યા છે. વર્ષીતપના પારણા નિમિત્તે સગા-સંબંધીઓને બોલાવીને જમાડવાને બદલે શિબિર જેવી ધર્મ આરાધનાઓમાં ૫૧૫૧હજારના લાભ લીધા.
આવી જ રીતે અનેક આરાધકો પણ જોરદાર આરાધના આજે પણ કરી રહ્યા છે. એ સહુની ભૂરી ભૂરી અનુમોદના !
૨૬. ઝળહળતા રત્નો સોહનલાલજીએ ૩00 ડાયાબીટીસમાં ૩૧ ઉપવાસની આરાધના આનંદપૂર્વક સંપન્ન કરી હતી. રોગમાં તપ યોગની સાધનાની પરીતિ.!!
પાપનું ભાવથી Confession એટલે પાપમાં Concession & Cancellation
