________________
શ્રમણસંસ્થા પ્રત્યેનો ઉછળતો સદ્ભાવ જોઈ ભીના ભીના થઈ જવાયું.
આપ પ્રાર્થના કરજો કે આ યુવાન શીધ્ર આરોગ્યને પામી ભાવ આરોગ્ય રૂપી સંયમની સાધના કરી આત્મ કલ્યાણ કરે.
૨૦. જાદુઈ સિક્કો મૂળ સુરેન્દ્રનગરના મયૂરીબેને પોતે અનુભવેલ પ્રભુનો ચમત્કાર તેમના જ શબ્દોમાં હાથ જોડીને વાંચો.
“આજથી ૨૦ વર્ષ પહેલાનો પ્રસંગ છે. પહેલી જ વાર સુરેન્દ્રનગરની બાજુમાં જોરાવરનગર જવાનું થયું. પહેલી જ વખત મૂળનાયક શ્રી ચિંતામણી પાર્શ્વનાથ દાદાના ખૂબ જ આનંદિત બની દર્શન કર્યા. અને મનોમન બોલી કે જે ભાગ્યશાળી હશે તેને સાક્ષાતુ દાદાની સેવા પૂજાનો લાભ મળતો હશે. પ્રભુને ભાવપૂર્વક મનોમન જલદી દર્શન-પૂજા માટે પ્રાર્થના કરી. માનો યા ન માનો પણ ત્રીજે દિવસે અચાનક જ મારી સગાઈ જોરાવરનગરમાં નક્કી થઈ ગઈ. દાદાએ જાણે મારી પ્રાર્થના સાંભળી અને જીવનભર દાદાની સેવા-પૂજા-પ્રાર્થના-આંગીનો લાભ અપાવી દીધો. હું મારા દાદાની દિવાની બની ગઈ.
ચિંતામણી દાદા પ્રત્યેની મારી શ્રદ્ધા અખૂટ, અતૂટ અને અગાધ હતી. બે મહિનામાં જ હું પરણીને સાસરે જોરાવરનગર આવી. અને તે વર્ષથી જ દાદાની આંગી ખૂબ જ મનોહર અને એક-એક થી ચઢિયાતી કરતી. દાદા પ્રત્યે આત્મીયતા વધતી જ ગઈ. દરરોજ પૂજા કરીને આવીને હું સ્ટોરરૂમમાં જઈને દાળ-ચોખા વિ. પલાળતી અને પછી રસોઈ બનાવતી. એક દિવસ હું પૂજા
ગ્લોબલમાર્ટર્નાહ, નોબલ માર્કેટમાં જોડાવો.
