________________
દીકરી. આ મારો પરિવાર. વ્યાખ્યાન બાદ આવી ઘરના સભ્યો આગળ દહેરાસરની વાત મૂકી. ધર્મના રાગી માતુશ્રી તો અતિશય આનંદમાં આવી ગયા. મારી પત્ની અને છોકરાઓને ધર્મ સાથે બહુ લેવા-દેવા ન હતા, તેથી આનંદ ન પામ્યા પણ મારી મર્યાદાના કારણે નનૈયો પણ ન ભણી શક્યા અને વાત આગળ વધી.
આચાર્ય ભગવંત પાસે બપોરે રૂબરૂ મળી ઘર-દહેરાસર સંબંધી વિસ્તારથી માહિતી લીધી. ઘરમાં સ્થાન પસંદગી, કયા ભગવાન વિગેરે બાબતો તેમના શિષ્યરત્નને સોંપી. ઘર-દેરાસરનું કાર્ય શરૂ થઈ ગયું. મોટું ઘર હોવાથી મોટી જગ્યા દાદા માટે ફાળવી અને એક મહિનામાં તો પ્રતિષ્ઠાનો દિવસ આવી ગયો. ધામધૂમથી ઘરમાં દાદાનો પ્રવેશ થઈ ગયો. ઉરમાં આનંદ સમાતો ન હતો. તે પ્રસંગે રોમ-રોમ આનંદથી નૃત્ય કરતા હતા. ગુરુદેવ ! દાદાના પ્રવેશે મારો આત્મિક દેદાર ફેરવી દીધો. મને વાલિયામાંથી વાલ્મિકી બનાવી દીધો. મને દાદામાં મારાપણું લાગવા માંડ્યું. મારા દાદાની અષ્ટપ્રકારી પૂજા વિના દિવસ વાંઝીઓ લાગતો. ચેન ન પડતું. દાદાની પૂજામાં રોજ નવા-નવા ભાવો જન્મ લેતા. હવે તે બધી કુટેવો તો કયાંય પલાયન થઈ ગઈ. પણ સાથે-સાથે સદ્ગુરુ પાસે વિસ્તારથી આંખોના આંસુ સાથે બધું પ્રાયશ્ચિત કર્યું. તે બધું ઉલ્લાસપૂર્વક વહન કરી રહ્યો છું.
ગુરુદેવ ! આત્માની ઉન્નતિ દિન-પ્રતિદિન કૂદકે ને ભૂસકે વધતી જ ચાલી. રોજ બે ટાઈમ પ્રતિક્રમણ, એક સામાયિક, તેમાં સૂત્રો ગોખવાં, સાધુ-સાધ્વીજી ભગવંતોની ભક્તિ, રોજ ૧ કલાકની મારા દાદાની એકાગ્ર મને ભક્તિ. અરે ! ગુરુદેવ !
Heaven Life, Holy Life, Happy Life કેHale Life
