________________ રતિભાઇ કહે કે શેઠજી ! માફ કરો, રાત્રે કશું પણ મારાથી નહી અપાય. મારો આત્મા ના પાડે છે. રાત્રે જાહેરસભામાં રતિભાઇ વગેરે બધા ખૂબ ચિંતામાં હતા કે શેઠ જરુર ખૂબ નિંદા કરશે... પણ હુકમીચંદજીએ તો રતિભાઇને જાહેર સભામાં પાસે બોલાવી ખૂબ ધન્યવાદ આપ્યા ! આવા પ્રસંગો જાણીને તમારે રાત્રિભોજન વગેરે ભયંકર પાપોને તિલાંજલિ આપવાનો દૃઢ નિશ્ચય કરવો જોઇએ. સત્ત્વશાળી ધર્મપ્રેમી જીવો ધર્મમાં સાહસ કરે, ભલેને દુઃખોના પહાડ તૂટી પડે. આપણે પણ આવા વિરલ દૃઢ ધર્મીઓની હદયથી અનુમોદના કરવાનો મહાન લાભ લેવો, પણ નિંદા તો કદી ન કરવી. 51. શેઠની જયણા ખંભાતના એ નગરશેઠ ખૂબ ધર્મપ્રેમી. પાપથી બચવા પૂજા માટે સ્નાન કથરોટમાં કરે. અને એ પાણી રેતીમાં નાખી દે. નોકરે કહ્યું કે શેઠજી ! લાવો હું નાખી દઇશ. શેઠે કહ્યું કે હે ભાઇ ! આ જયણાનું કામ છે. એ હું જ કરીશ. જયણા તમે પણ પાળો. પાળીને ખૂબ પુણ્ય મેળવો. ભાગ-૬ સંપૂર્ણ | [ #ન આદર્શ પ્રસંગો-૬] રષ્ટિ [28]
