________________
અમદાવાદ તપાસ કરવાથી કદાચ જાણવા મળશે એવી એક નાની આશાથી એ છેક અમદાવાદ આવ્યો. અજાણ્યા ઉપાશ્રયોમાં તપાસ કરવાની. વળી પાછું અજાણ્યા સ્થળે પૂછતાં પૂછતાં જવાનું. છતાં બધું કર્યું ! અને પુણ્ય મહારાજ સાહેબ મળી ગયા. સાચી ઇચ્છા અને સંકલ્પ કેવા મુશ્કેલ કાર્યોમાં પણ અકથ્ય સફળતા અપાવે છે?
પોતાના ગામના મહારાજ સાહેબને હર્ષોલ્લાસપૂર્વક વંદન કર્યું. ૨ દિવસ રોકાયો. તેમના ગુરુજીએ ભણવાની પ્રેરણા કરી. પૂર્વ ભવનો સાધક જીવ હશે તેથી વાત સ્વીકારી લીધી ! ભણતાં ભાવ વધ્યા. વધુ પરિચય અને વધુ આરાધના કરતાં દીક્ષાનો નિર્ણય કર્યો. ૨૪ વર્ષની ભરયુવાનવયે દીક્ષા ભાવથી લીધી ! અને ૧૭ વર્ષથી આજે પણ સુંદર સંયમ પાળે છે ! અંતઃસ્ફરણાએ આ ધર્મરહિત યુવાનને આરાધનાના શિખરે પહોંચાડી દીધો ! કેવો ઊંચો આત્મા ! હે ધર્મપ્રેમીઓ ! તમને ખરેખર ધર્મ તારક લાગે છે? તો આ જન્મમાં આટલું કરવાનો સંકલ્પ કરો કે મારી મનોવૃત્તિ માટે વિશુદ્ધ બનાવવી છે. યથાશક્તિ આરાધના અવશ્ય કરવી છે.
૯. ખૂનીનો પશ્ચાતાપ ખૂનીનો પશ્ચાત્તાપ: ૫.પૂ. આચાર્ય મ. શ્રી હેમરત્નસૂરિજી મ. સાહેબે મહારાષ્ટ્રમાં દારવાથી વિહાર કર્યો. આગલા મુકામે ચોકીદાર ભયંકર હતો, તેથી સંઘે ઘણી ના પાડી, છતાં મ.સા. વિહાર કરી ત્યાં ગયા. સરકારી ગેસ્ટહાઉસમાં જ ઊતર્યા. ત્યાં કીડીઓ ઘણી હતી. તેથી બધાં મ.સા. વારંવાર પૂંજતા હતા.
જૈન આદર્શ પ્રસંગો-૬
૨૫૦
