________________
૫. સુશ્રાવક્તા મનોરથ રજનીભાઇ દેવડી શ્રેણિકભાઈને કહે કે શેઠ શ્રી! શત્રુંજય પર ચૌમુખજીની ટુંકના શિખરો પરનાં કળશો સોનાનાં કરાવવા છે. શેઠે રજનીભાઇને કારણ પૂછતાં કહ્યું કે એ સુંદર કળશોના બધા યાત્રાળુ દૂરથી દર્શન કરે છે. એ સોનાનાં હોય તો દર્શન કરનારના ભાવ ખૂબ વધે. તેથી મને પણ લાભ મળે ! કેવી ઉત્તમ ભાવના? હે હિતેચ્છુઓ ! તમે પણ શુભ ભાવોને પ્રગટાવો.
૨૬. ધર્મદઢ સુશ્રાવિક ધર્મપ્રેમી એ શ્રાવિકાએ બીજા ગર્ભાધાન પ્રસંગે નિર્ણય કર્યો કે મારા એક પુત્રને સાધુ બનાવીશ! પછી તો એ માતાએ ૨૨ પુત્રોને શાસનને સમર્પી દીધા! મુંબઇના એ બહેનના બીજા અનેક પ્રસંગો આપણને ખૂબ પ્રેરણા કરે તેવા છે. એ ધર્માત્માએ પરણીને સાસરે ગયા પછી કંદમૂળ ખાતા કાકાજી વગેરેને કહેલું કે તમારું એંઠું પવાલું માટલામાં ન નાખવું. આટલી મારી વિનંતી નહીં સ્વીકારાય તો આ ઘરનો ત્યાગ કરીશ. સંયુક્ત કુટુંબમાં એક મજાકમાં એક વાર એંઠું પવાલુ ઘડામાં નાખ્યું. દઢધર્મી એ શ્રાવિકા તરત જ ઘરની બહાર નીકળી ગઇ! પુણ્યોદયે સરળ પતિએ જૂદું ઘર લીધું. પુત્રોને કહેલું કે આ ઘરમાં ટી.વી. આવશે તો ગૃહત્યાગ કરી દઇશ. એક દીકરાએ ઘરમાં ટી.વી. લાવતા તે જ મિનિટે ઘરની નીચે ઊતરી ગયા! મમ્મીની ધર્મદ્રઢતા જોઇ સુપુત્રે ટી.વી.ને ઘરમાંથી રવાના કરી દીધું !
આ કલિકાળમાં પણ જિનશાસન કેવું જયવંતુ છે કે આવી અનેક શ્રાવિકા સુંદર આરાધના કરે છે અને કુટુંબ પાસે કરાવે છે! તમે પણ સ્વયં આરાધના યથાશક્તિ કરો અને સંતાનો અને સ્વામિનાથને ધર્મમાં જોડો, સંસ્કારો ને સબુદ્ધિ આપો અને સાચા શ્રાવક બનાવો એ શુભેચ્છા. જૈન આદર્શ પ્રસંગો- કુણિક [૨૧૮]
૨૧૮
ટ
