________________
અપાય. મારો આત્મા ના પાડે છે. રાત્રે જાહેરસભામાં રતિભાઈ વગેરે બધા ખૂબ ચિંતામાં હતા કે શેઠ જરુર ખૂબ નિંદા કરશે... પણ હુકમીચંદજીએ તો રતિભાઇને જાહેર સભામાં પાસે બોલાવી ખૂબ ધન્યવાદ આપ્યા !
આવા પ્રસંગો જાણીને તમારે રાત્રિભોજન વગેરે ભયંકર પાપોને તિલાંજલિ આપવાનો દ્રઢ નિશ્ચય કરવો જોઇએ. સત્ત્વશાળી ધર્મપ્રેમી જીવો ધર્મમાં સાહસ કરે, ભલેને દુઃખોના પહાડ તૂટી પડે. આપણે પણ આવા વિરલ દ્રઢ ધર્મીઓની હદયથી અનુમોદના કરવાનો મહાન લાભ લેવો, પણ નિંદા તો કદી ન કરવી.
૨૪. સામાયિક રાગ ગુરુદેવ ! ૧ વર્ષનો સામાયિકનો નિયમ આપો અને જેટલા દિવસ ન પળાય તેટલા દિવસ ૧0000 રૂપિયા ધર્મમાં વાપરવા ! થોડાક જ વર્ષો પહેલાં આવો નિયમ માંગનાર સુશ્રાવક સુરતના કરોડપતિ છે. મનમાં નિશ્ચય કર્યો કે શ્રાવકે એક સામાયિક તો કરવું જ જોઇએ. આગલે વર્ષે દંડ સો સો રૂપિયાનો રાખેલો. પરંતુ હીરાના ધંધાના કારણે એન્ટવર્પ વગેરે દેશોમાં જવું પડે. ઘણીવાર તો પ્લેનમાંથી વચ્ચેના દેશોમાં ઊતરીને પણ સામાયિકનો નિયમ પાળ્યો ! છતાં પ્રતિકૂળ સંજોગોને કારણે કેટલાક દિવસ પડ્યા. આવો ખુલાસો કરીને તેમણે કહ્યું કે, સાહેબ ! હવે દંડ મોટો રાખવો છે. જેથી એક પણ દિવસ મારો સામાયિક વગરનો ન જાય. તેથી દસ હજારનો દંડ રાખું છું. આવા ધર્મપ્રેમી આજના સુશ્રાવકોને લાખ લાખ ધન્યવાદ ! હે ભવ્યો ! આ વાંચીને તમે પણ મહાન સામાયિકની આરાધના યથાશક્તિ કરવાનો સંકલ્પ કરો. તમને ઘણાંને તો સામાયિક કરવામાં ખાસ મુશ્કેલી પણ નથી.
લi
જૈન આદર્શ પ્રસંગો
૨૧૭
