________________
સાનુબંધ થયેલા તે સગુણો પરભવમાં સાથે આવે અને ત્યાં પણ ધર્મ-આરાધના અને ગુણો ખૂબ ખૂબ વિકાસ પામે. એમ ભવોભવ આત્મગુણો વધતાં જાય અને શીધ્ર શિવ - સુખ મળે. વળી દીક્ષા વગેરેનો જેને ભાવ થાય તેણે હિંમત અને ખંતથી ઉદ્યમ કર્યા જ કરવો. તો એ અવશ્ય આવી પરમ તારક પારમેશ્વરી પ્રવ્રજ્યા પામે.
૨૬. સામાયિક રોજ કરનાર રાજનગરમાં રમણભાઈ ભગવાનનગરના ટેકરાના સંઘના પ્રમુખ છે. એક નિમિત્ત પામી તેમણે રોજનું એક સામાયિક શરૂ કર્યું જે આજે ૩૫ વર્ષે પણ નિયમિત રીતે ચાલુ જ છે ! ટેકરાના ઉપાશ્રયની ખનનવિધિ કસ્તુરભાઈ લાલભાઈના હાથે કરાવવાનું આગેવાનોએ વિચાર્યું. પંડિત મફતલાલ સાથે જઇ વિનંતી કરી. વાત સાંભળી કસ્તુરભાઈ કહે, “એ સમયે હું રોજ સામાયિક કરું. છું તેથી નહિ આવી શકું.” સામાયિક આગળ-પાછળ કરવાની વિનંતી કરી. પણ તેમનો તે નિયત સમય હતો. પછી બધાના અતિ આગ્રહથી કસ્તુરભાઈએ વિનંતી સ્વીકારી. પણ આ પ્રસંગથી રમણભાઈ વિચારે ચડ્યાં :- “આટલા મોટા શ્રીમંત માણસ અનેક મિલોના માલિક. સંઘમાં આગેવાન. છતાં રોજ સામાયિક કરે છે ! તો મારે સામાયિક વિના કેમ ચાલે છે તેમના જેમ હું પણ એક સામાયિક કરી મારા આત્માનું કાંઇક હિત સાધુ !” રમણભાઇ ત્યારથી નિયમિત રોજ સામાયિક કરે છે.
એકનો ધર્મ બીજાને પણ કેવા ધર્મી બનાવે છે તેનું આ અદૂભૂત દ્રષ્ટાંત છે. શ્રીમંતો, આગેવાનો ધર્મ કરે તો ઘણાંને પ્રેરણા થાય અને મોટાઓ અને માતા-પિતા ધર્મ કરે તો ઘરમાં બધાને ધર્મની ભાવના થાય. ઘણીવાર ઉપદેશ કરતાં આચરણથી ઘણા બધાના જીવનમાં ધર્મના આચારો આવે છે.
જૈન આદર્શ પ્રસંગો-૪
છિ
૧૭૪]
