________________
પંકજભાઈને દ્રઢ વિશ્વાસ થઇ ગયો કે મારા સુપુત્રી સાચા સાધ્વી બની ગયા છે !! હવે જરા પણ ચિંતા કરવા જેવી નથી. આ સાધ્વીશ્રીના ધર્મરહિત કાકા વગેરે પણ સાધ્વીના સંયમની મસ્તી જોઇ ધર્મપ્રેમી બની ગયા !!
તેઓને પણ શ્રદ્ધા થઇ ગઇ કે આવા હડહડતા કલિકાળમાં પણ શાસન જયવંતુ છે ! તેમાં અનેક સાચા સાધુ-સાધ્વી છે. તેઓ પૃથ્વીને પાવન કરતા ઉંચી કોટિનું સંયમ જીવન માણી રહ્યા છે ! આ અનુભવ પછી સાધુ, સાધ્વીને જુવે કે એમને થાય કે જાણે ધર્મ સાક્ષાત્ સદેહે સામે આવી ગયો છે !! એટલે આનંદ આનંદ થઇ જાય. સાધ્વીજી પણ લગભગ ૨ વર્ષથી પ્રભુએ સર્વશ્રેષ્ઠ તરીકે વર્ણવેલા સંયમના આત્મિક આનંદને અનુભવી રહ્યા છે !!! આ અદ્દભૂત પ્રસંગ આપણને ઘણું બધું કહી જાય છે.
(૧) આજના ભયંકર વિલાસી વાતાવરણને કારણે ધર્મ ન કરતો જૈન પણ જિનવાણી વગેરે ધર્મના આલંબનો પામી દીક્ષા સુધી પણ પહોંચી જાય છે !!! તેથી સંઘમાં અને ઘરઘરમાં ધર્મની આરાધનામાં જૈનોને જરૂર જોડવા. અને આજનો અધર્મી કાલનો ઉચ્ચ ધર્મી પણ બની શકે છે તે જાણી અધર્મીનો પણ તિરસ્કાર કદિ ન કરવો.
(૨) આ પ્રસંગથી એ સિધ્ધ થાય છે કે આત્મા છે, પરલોક છે વિગેરે. કારણ કે ધર્મરહિત યુવતિ એક નિમિત્ત પામી ઘણે ઉંચે પહોંચી ગઈ. કેટલાક જૈન વર્ષોથી ધર્મ કરવા છતાં શ્રાવકપણું પણ ભાવથી આરાધતા નથી. જયારે આ દિવ્યા ઊપધાનના નિમિત્તે ખૂબ આગળ વધી ગઇ. એથી સિદ્ધ થાય છે કે પાછલા કોઇ ભવમાં આ દિવ્યા ધર્મની વિશિષ્ટ આરાધના
| જૈન આદર્શ પ્રસંગો-૩] Bણિક [૧૦૭
