________________
ક્રિયાઓ વગેરેના અચિંત્ય પ્રભાવે આ કન્યાનો ધર્મ પ્રત્યે આદર વધતો ગયો !! થોડા દિવસો પછી ઘરેથી પોતાના ઉભટ વસ્ત્રો મંગાવી દાન કરી દીધા. એક જૈન કન્યાએ આવા કપડા પહેરાય જ નહીં એ એને બરોબર સમજાઈ ગયું હતું !
ઉપધાન પછી તેની રહેણી-કરણીથી ઘરના સમજી ગયા કે દિવ્યાનું હવે જીવન પરિવર્તન થઈ ગયું છે. તેણે ધર્મ આચરવા માંડ્યો. ક્યારેક સાધ્વીજી સાથે થોડા દિવસ રહી આરાધના વધારતી ગઈ. કોલેજમાં ભણવા જવાની ઈચ્છા મરી ગઈ. લગભગ ૨ વર્ષ પછી પિતાજીને દીક્ષા આપવા વિનંતી કરી !!! પ્રેમાળ પિતાશ્રીએ દીક્ષાની કઠિનતા વગેરે સમજાવ્યા. કોઇની સાથે લગ્નની ઇચ્છા હોય તો નિઃસંકોચ જણાવવા વાત્સલ્યતાથી કહ્યું.
પરંતુ દિવ્યાને હવે ધર્મની શ્રેષ્ઠતા સમજાઈ ચૂકી હતી. તેને લગ્ન કરવા જ ન હતા. પરંતુ બિલકુલ ધર્મ ન કરનારી કોડિલી કન્યા દીક્ષા લે એ પંકજભાઈને મનમાં બેસતુ ન હતું. વળી એ પણ શંકા રહ્યા કરતી કે કદાચ આ ઉતાવળમાં દીક્ષા લઇ લે પણ સંયમના આચારો કડક. ત્યાં કદાચ સેટ ન થાય તો મારી લાડલી દીકરી દુઃખી થઇ જાય.
પરંતુ પુત્રી તો સદા એક જ વાત કરતી કે મને દીક્ષા અપાવો. ઘણી બધી વાતનો સાર એ છે કે ઘણો બધો વિચાર કર્યા પછી સુપુત્રીની એક જ રઢ જાણી તેમણે સંમતિ આપી !
૯૦ સાધુ, સાધ્વીની નિશ્રામાં દિવ્યાને દીક્ષા પરિવારે ધામધૂમથી આપી ! પછી અવારનવાર વંદન કરવા જતા ત્યારે સાધ્વીજીની પ્રસન્નતા, સંયમ જીવનનો આનંદ, આચાર્ય ભગવંતની કૃપા, ગુરુણીનું વાત્સલ્ય વગેરે જાણી પંકજભાઈ ખૂબ ખુશ થતા ! આ બધી વાતો સાંભળતા થોડા મહિના પછી જૈન આદર્શ પ્રસંગો-૩] કિ [૧૬]
