________________
આજથી પ્રાયઃ ૧૧ વર્ષ પહેલાની સત્ય ઘટના કે આ જ સાધ્વીજીને વર્ષીતપ સાથે નવાણું યાત્રા ચાલતી હતી. એક વાર કોણ જાણે કોઇ કર્મના ઉદયે ઘેટીની પાગ ઊતરતાં જ ૫૦ ફૂટની ઊંડી ખીણમાં આ સાધ્વીજી અચાનક પડી ગયાં ! જોનારને થયું કે હવે આ સાધ્વીજીના શરીરનું એક હાડકું પણ મળે નહીં. પણ દાદાની અસીમ કૃપા કે જાણે પડતાની સાથે જ ઝીલી લીધા ન હોય તેમ કાંઇ જ ન બન્યું ! એમના હાથમાં તરાણી અને દાંડો પણ સહી-સલામત ! પાછા ચાલતા ઉપર દાદાના દર્શન કરી ડોળીનો ઉપયોગ કર્યા વગર નીચે ઊતર્યા !
૮ વર્ષ પહેલાં આ જ સાધ્વીજીને આંતરડામાં આંટી આવી ગઈ. ડૉક્ટરે કહ્યું કે હવે એમને મોઢેથી પાણી પણ નહીં અપાય. ત્રણ દિવસ સુધી લૂકોઝના બાટલા ચઢાવ્યા. તો પણ સારું ન થયું. છેવટે ડૉક્ટરે કહ્યું કે હવે અમદાવાદ જઈ ઓપરેશન કરાવવું પડશે. ચાતુર્માસનો સમય હતો. નવપદની ઓળીનો પહેલો દિવસ હતો. એમના ગુરુજીએ એમને કહ્યું કે તું નવપદની ઓળી કર. સિધ્ધચક્રના પ્રભાવથી બધું જ સારું થઇ જશે ! સાધ્વીજીએ પણ શ્રદ્ધાથી ઓળી કરી ! ઓળીના પ્રભાવે ઓપરેશન ન કરાવવું પડ્યું. તપના પ્રભાવે ઓપરેશન વિના સારું થઇ ગયું ! શ્રી નવપદ શાશ્વત પર્વ છે. તેથી ભાવથી ઓળી કરનારને આજે પણ આવા પરચા સાક્ષાત્ અનુભવવા મળે છે. ૧૪. કાયોત્સર્ગથી શીલરક્ષા અને પ્રાણરક્ષા
વિ. સં. ૨૦૩૭ માં પૂ. પંન્યાસ શ્રી હેમરત્નવિજયજી મ. (હાલ આચાર્ય) અંતરીક્ષજી તીર્થમાં બિરાજમાન હતા. તીર્થરક્ષા માટે સમગ્ર જૈન સંઘમાં અપૂર્વ જાગૃતિ આવેલી. કોર્ટમાં એક ધર્મશાળાનો ફેંસલો શ્વ. સંઘની તરફેણમાં આવતાં જૈન આદર્શ પ્રસંગો-૧
૪ [ ૨૩]
