________________
નગીનદાસભાઈએ પાટણથી શ્રી ભદ્રેશ્વર તીર્થનો સંઘ કાઢ્યો. રસ્તામાં એક ગામના એક શ્રાવકે સંઘપતિને આગ્રહ કર્યો કે મારા ઘરે પધારો. સંઘપતિ નગીનદાસભાઇએ કહ્યું કે સમય નથી. સંઘ ખોટી થાય છે. પણ શ્રાવકે અતિ આગ્રહ કરતાં કહ્યું કે ૨ મિનિટ માટે પણ આવવું જ પડશે. પૂર્વના અતિ શ્રીમંતો પણ દાક્ષિણ્ય ગુણવાળા હતા. સંઘપતિ એમની ભાવના પૂર્ણ કરવા ગયા. સંઘપતિને તે સામાન્ય શ્રાવકે દૂધ પીવા આપ્યું. પછી સંઘપતિ ગયા. વધેલું દૂધ અતિ શ્રધ્ધાથી તે શ્રાવકે પીધું ! ચમત્કાર થયો. શ્રાવકનો રોગ નાશ પામી ગયો. એ શ્રાવકને ઘણા વખતથી રોગ હતો કે ખાધેલું ટકે નહીં. તેને શ્રધ્ધા કે જ્ઞાનીઓ સંઘપતિને તીર્થંકર પદવી પણ મળે એમ કહે છે. તેથી આ નગીનદાસભાઈનો પીધેલો ગ્લાસ પ્રસાદી માની હું પીશ તો રોગ મટશે. ખરેખર મટી ગયો ! આદરબહુમાનમાં આવા અદ્ભૂત ચમત્કાર સર્જવાની અચિંત્ય શક્તિ છે.
ખાસ મારે એ ધ્યાન દોરવું છે કે સંઘ અને સંઘવી નું શાસ્ત્રોમાં ઘણું મહત્વ બતાવ્યું છે. ધનવાનો ધર્મમાં ધનનો સદ્વ્યય કરે તો તમને તે દાનવીરો પ્રત્યે આદર જાગે છે કે ઇર્ષ્યા, નિંદા ? કેટલાક લોકો દાતા ધર્મી પૈસાવાળાની નિંદા કરે છે. પણ ખરેખર તો એ શ્રીમંતોને દાન વગેરે ધર્મકાર્યોમાં જે ધર્મબુધ્ધિ હોય છે અને ધન પણ નીતિ પૂર્વક મેળવેલું હોય એ અનુમોદનીય છે. હે ધર્મપ્રેમીઓ ! મફતમાં મળતી આ અનુમોદનાનો લાભ ગુમાવી નિંદા વગેરેના ખોટા પાપથી લાખો યોજન દૂર રહેવું.
૧૨. શત્રુંજય ભક્તિથી રોગનાશ
૧૨ વર્ષનો અરિહંત ચમત્કાર વર્ણવતાં કહે છે કે મારા ઘરનાં બધાંને શ્રી શત્રુંજયના દાદા શ્રી આદિનાથજી પર દેઢ શ્રધ્ધા છે. મારા કાકીના પગની પાનીમાં પાણી ભરાતું હતું અને ઢીંચણનું
જૈન આદર્શ પ્રસંગો-]
જૈન આદર્શ પ્રસંગો-૧
છું 5
[૨૦]
૨૦.
