________________
૧૦. શ્રી શાંતિનાથે મરતાં બચાવ્યો
સ્વાગતને શ્રી શાંતિનાથ ભગવાનની ભક્તિએ બચાવ્યો. અમદાવાદ શાહપુરમાં પ્રવીણભાઇ પોપટલાલ રહે છે. ૪ વર્ષના પુત્ર સ્વાગતને લઇ સ્કૂટર ઉપર જતા હતા. રસ્તામાં અકસ્માતમાં ટેણિયાને ખૂબ વાગ્યું. હોસ્પીટલ લઇ ગયા. ડૉક્ટરોએ કહ્યું કે હેમરેજ થઇ ગયું છે. બચવાની શક્યતા લાગતી નથી. પરંતુ કોમામાં ૭૨ કલાક પસાર થઇ જાય તો કદાચ બચી પણ જાય.
શ્રી શાંતિનાથ દાદાને પુત્રપ્રેમી પ્રવીણભાઈ ખૂબ ભાવથી પ્રાર્થના કરે છે, “દાદા ! આ નાનકાને ગમે તેમ કરી બચાવો.” ત્રણે દિવસ રોજ અત્યંત વિનવણી કર્યા કરે છે. એક તો માત્રા ૪ વર્ષનો અને વાગેલું ખૂબ. બાજી કર્મના હાથમાં હતી.જ્ઞાનીઓ એ ભાવના પણ ભવનાશિની કહી છે. ભાવભક્તિના પ્રભાવે સ્વાગત ૭૨ કલાકે ભાનમાં આવ્યો ! છેવટે બચી ગયો !!! શ્રી શાંતિનાથ દાદા પર પ્રવીણભાઈની શ્રધ્ધા ખૂબ વધી ગઇ અને એણે દાદાને રૂપિયા દસ હજારનો કિંમતી હાર ચડાવ્યો ! આજે પણ સ્વાગત જીવે છે.
પ્રાર્થનાનું અદ્ભૂત બળ છે. આ પરમ માંગલિક નૂતન વર્ષે તમે બધાં પણ સાચા દિલથી પરમ પ્રભાવી પ્રભુને ખૂબ શ્રદ્ધાથી મંગલ પ્રાર્થના કરો કે આ દુર્લભ માનવભવમાં સદ્વાંચન વગેરે ધર્મકાર્યોથી મારા તન અને મનને પવિત્ર બનાવો. ગુણો વધારી દોષોને ઘટાડી ભવોભવ શાંતિ અને સુખ અપાવો. અને પરંપરાએ શાશ્વત અને આત્મિક આનંદને અર્પો.
૧૧. સંઘપતિ આદરથી રોગનાશ
લગભગ ૭૦ વર્ષ પહેલાની આ સત્ય ઘટના છે. શ્રેષ્ઠી | જૈન આદર્શ પ્રસંગો-૧ =ર્ણs [ ૧૮ ]
