________________
બાબત મળ્યો નહિ. શ્રીમન્નારાયણે એમ કહ્યું કે, દેશનું બંધારણ હું મારા ખિસ્સામાં રાખું છું. મને બંધારણનો અભ્યાસ છે તે જોતાં કહી શકું છું કે, બંધારણની મર્યાદામાં રહીને કટોકટી લાવ્યાં છે. વિનોબાજી તો મૌન રાખીને બેઠા હતા એટલે પવનારમાંથી કોઈ નવો પ્રકાશ અમને મળ્યો નહીં. અમે ચિચણ મહારાજશ્રીને આ વાત કરી. તેમણે માર્ગદર્શન આપતાં કહ્યું કે, “સંઘે તુરત મળવું જોઈએ અને કટોકટીનો ભલે વિરોધ ન કરીએ કારણ કે, તેનાં ઔચિત્ય બાબતમાં આપણે કંઈ નક્કી કરી શકતા નથી પરંતુ કટોકટી વહેલામાં વહેલી તકે ઊઠાવી લેવી જોઈએ તેવો પ્રચાર ગામેગામ જાહેર સભા કરી કરવો જોઈએ. અને શક્ય બને તો શુદ્ધિ-પ્રયોગ પણ કરવો જોઈએ.
અમે તરત ગુંદી આવ્યા ને મિત્રો સાથે આ અંગે વાતચીત કરી.
તા. ૧૯-૭-૭૫ના રોજ સંઘની મિટિંગમાં આ પ્રશ્નની ચર્ચા કરી અને મુનિશ્રીનું દૃષ્ટિબિંદુ સમજાવ્યું. બાર કલાકના ઉપવાસની તપોમય પ્રાર્થનાની સાંકળ ચાલુ કરવાનું પણ ઠરાવ્યું.
૧લી ઑગસ્ટ, ૧૯૭૫થી એક સો દિવસનો આ શુદ્ધિપ્રયોગ પણ ચાલ્યો. ગામડે ગામડે સભાઓ ભરી અને હજારો સહીઓ પણ લીધી.
તા. ૨૩-૮-૭૫ની ભાલ નળકાંઠા પ્રયોગની નૈતિક ગ્રામ સંગઠનોની ત્રણ સંસ્થાઓની સંયુક્ત મિટિંગમાં પણ ઠરાવ કરવામાં આવ્યો અને તેમાં કટોકટી ઊઠાવી દેશનેતાઓને મુક્ત કરવાની વાત કરવામાં આવી.
આટલું કહેવું પ્રસ્તુત ગણીને આ પુસ્તક જિજ્ઞાસુ વાચકો વાંચશે એવી અપેક્ષા સાથે પ્રકાશન સંસ્થા તરફથી શ્રી બળવંતભાઈ ખંડેરિયાને આવા સુંદર પુસ્તકની સામગ્રી પૂરી પાડવા માટે અને શ્રી ચંબકલાલ કે. મહેતાનો આમુખ લખવા માટે આભાર માનીને વિરમું છું. સર્વોદય આશ્રમ, ગુંદી
અંબુભાઈ શાહ
વાચકને સૂચના આ પુસ્તકમાં લેખકનું વક્તવ્ય અથવા લખાણ ચાલુ ટાઈપમાં છે,
અને મુનિશ્રીનાં લખાણ ઘાડાં ટાઈપમાં મૂક્યાં છે.
--
-
