________________
૩૦
કરવો અને વચ્ચે વચ્ચે પણ જેટલી નિકટતા આવે, તેટલી ટકોર પણ મીઠી રીતે કરતાં જ રહેવું જોઈએ.
પ્રચારયાત્રા વિશાળ થાય, ત્યાં અનેક સારાં, માઠાં માણસો મળવાનાં. પરીક્ષાઓ પણ સંકટો-લાલચો વગેરેની થવાની જ ત્યાં સમતા અને શુદ્ધ વાત્સલ્ય જળવાઈ રહે, હર પ્રસંગે તે જોવું.
- સંતબાલ
ચિંચણ, તા. 6-8-74
પૂર્વગ્રહો ખંખેરવા વિશે સમજણ લખાણમાં બરાબર થતી જાય છે. દોષદર્શનની પહેલી પ્રથમની ટેવ (કે કુટેવ ?) આમાં આવરણરૂપ ન બની જાય તે સતત જોતાં રહેવું પડશે. પૂર્વગ્રહો તદ્દન ખંખેરવા પ્રયત્નશીલ રહેવું. ધીરજ રાખવી. રોષગુસ્સો આવવા ન દેવો. આખરે માનવી તો નિમિત્ત છે એટલે પ્રબળ રીતે પ્રયત્નો કરવા. યશ પ્રાયઃ બીજા સાથી ભાઈ-બહેનોને મળે કે ઘરની વાત હોય તો ધર્મપત્ની કે બાળકોને યશ પ્રાયઃ મળે તે માટે પ્રયત્નો કરવા. પોતે પ્રાયઃ પાછળ રહેવું.
- “સંતબાલ
ચિંચણી, તા. 26-12-74
જૈનધર્મની વિશેષતા - સ્યાદ્વાદ જૈન ધર્મની વિશેષતા જે સ્યાદ્વાદ-અનેકાંતવાદમાં છે, તે આજના યુગે સર્વપ્રિય બને તેવી છે. આજે સવારે આ જ વાત ઉપર સારું વિવેચન થયું. અત્યાર સુધી જે વટલ્યા કે વટલાવ્યા, તે વાત જતી કરવી. હવેથી કોઈને વટલાવવા નહીં અને જાતે વટલાવું નહીં. આ એક વસ્તુ જૈન ધર્મ સિવાય કોઈ આપી શકે તેમ નથી. આ બાબતમાં સંત વિનોબાને આ વાત (જૈન ધર્મની) ખૂબ ગમી છે અને કાકા કાલેલકર તો એની પાછળ આ વયે મિશન લઈને બેસી ગયા છે.
હા ગીત અને સરળ ભાષા માનવને વધુ ગમે, પરંતુ તેમાં પણ, આપણી વ્યક્તિત્વ, વિશ્વમયતા અને સર્વોપરિતાની વાતો જરૂર વણી શકાય.
શ્રી સદ્ગર સંગે : વિશ્વને પંથે
