________________
ચિચણ, તા. 5-8-74
૨૬
સામાને દિલ ખોલવા દેવું, વચ્ચે જરૂર પડે તો કાંઈક બોલવું, અને તે પણ સામાનું પૂરેપૂરું માન સાચવીને. આ બાબતમાં કુરેશીભાઈ, અંબુભાઈ બન્ને ઠીક તૈયાર દેખાશે.
તમને ટચકિયું આવ્યું તે આમ તો હવા, પાણી તથા શરીરના બાંધા વગેરેને લગતો પ્રશ્ન છે. પણ જો એ ધારવા કરતાં વધુ લાંબું ચાલે તો ક્યાંક કશી શારીરિક, વાચિક કે માનસિક ભૂલ તો નથી થઈ ને ? તે ઝીણવટથી શોધી લેવાની અને નાની પણ ભૂલ થઈ હોય તો તે સુધારી લેવાની જરૂર છે.
આમ તો નજીકમાં તમારા ગુરુદેવ પુનામાં ભલે પ્રત્યક્ષ ન હોય પણ પરોક્ષ તો છે જ. અને મૂળે તો આ રમાબહેન અને તમો તમારા ગુરુદેવનાં પ્રતિનિધિ માની અને પછી જરૂર પડે રમાબહેન તમોને ગુરુદેવનાં પ્રતિનિધિ માને તે હવે જરૂરી બનશે.
તા. 22-7-74
·
‘સંતબાલ'
ગુરુદેવની વિચારધારા અને તેની વ્યવહારિકતા વિચારધારાને વ્યવહારની ધરતી પર ગુરુદેવ કેમ લાવે છે તે અંગે અંબુભાઈ
કહે છે ઃ
“મહારાજશ્રીની કેટલીક વાતો પ્રથમ માત્ર કલ્પના જેવી લાગે આપણને, જ્યારે તેમણે તો તે તે કલ્પનાનો વિચાર દ્વારા પૂરો વ્યવહાર સાધી જ લીધો હોય છે. એટલે ન બનવા જેવું - સમય થોડો વધુ થાય તેટલું તેઓ ધારતા જ નથી. કલ્પના મુજબ કાર્ય શરૂ કરી અને પછીથી તેઓ બધું ગોઠવતા હોય છે. દા.ત., પ્રથમ મેં તેમના સૂચન મુજબ ૧૯૪૭માં જ્યારે કામ શરૂ કર્યું ત્યારે, ઊભા રહેવા નહીં છાપરું અને ભરણપોષણ માટે નહીં એક પાઈ સંસ્થા પાસે. આવી તદ્દન અનિશ્ચિત સ્થિતિમાં માસિક રૂપિયા ૧૫૦- ખર્ચ માટે લેવાનું મહારાજશ્રીએ મને કહેલું ત્યારે આશ્ચર્ય થતું હતું. પણ હકીકત એ રહી કે પૈસા આવતા ગયા અને કામ જામતું ગયું. આવું તો આજ સુધીમાં ઘણી બાબતોમાં થયું છે. ચિંચણનો તાજો જ દાખલો લઈએ, જમીન મળવી અને તે પણ આટલી ઓછી કિંમતમાં. સંસ્થા પાસે આટલું ફંડ જમીન ખરીદવા
શ્રી સદ્ગુરુ સંગે : વિશ્વને પંથે
