________________
૨૧૦
પાકિસ્તાન જેવાને હાથો બનાવી મુજિબુર રહેમાન કુટુંબની કલેઆમ કરાવી નાંખી, તો હવે એના કડવા પ્રત્યાઘાતોમાંથી ઝિયાનું આમ થઈ ચુક્યું એ બતાવી આપે છે કે આખરે ભારતની મૈત્રી જ બંગલાદેશે સાધવી રહેશે. તોજ તે દેશનું રાજકારણ શુદ્ધ અને સાચે માર્ગે વળી શકશે.
ભારતના વૈજ્ઞાનિકો આખી દુનિયામાં પોતાનો ત્રીજો નંબર લાવી શક્યા છે, પણ હજુ આગળ વધીને તેઓએ પ્રથમ નંબર મેળવી લેવો જોઈએ અને તે શક્ય છે, પણ તે ત્યારેજ બને કે જ્યારે ધર્મયુક્ત વિજ્ઞાનનો જ વિચાર કરાય.
અજપાજપવાળું કાવ્ય નક્કર અનુભવ પર લખાયું છે. એ અનુભવ તમોને અખંડ પુરુષાર્થ એ દિશાનો ચાલુ રાખતાં અવશ્ય થશે. અખંડ પુરુષાર્થની સબુદ્ધિ અને સહૃદયી સમન્વયી રીત ચાલુ રાખવાથી એ થઈ શકે.
શ્રીમદ્ચાહકોમાં કર્મયોગની જરૂર શ્રીમને એક માત્ર ગાંધીજી જ પૂર્ણ રીતે સમજ્યા અને તેમની વાત અક્ષરશઃ ઝીલી (અને) પછી ભારત દ્વારા જગતમાં આગળ વધ્યા. ભલે થોડે અંશે - એટલે કે કોંગ્રેસ સંસ્થાના માધ્યમે શુદ્ધ રાજકીય ક્ષેત્રમાં સફળ થયા. ભાલ નળકાંઠા પ્રયોગને જેઓ ઉપલા ગાંધી પ્રયોગના અનુસંધાનમાં નીહાળી શકશે તેજ આ રહસ્યમયી વાત જાણી આગળ વધી શકશે. મતલબ કે ગાંધીવિચારવંત લોકોને ઉપલી રીતે શ્રીમની વાત ગળે ઊતરાવવી પડશે અને શ્રીમદ્ ચાહકોને ગાંધીજીના વલણ વર્તન અને એ બધા માટે પાયાની રીતે આગળ જતાં પ્રયત્નો કરવાના કાર્યમાં લાગી જવું પડશે. એક વખતે, હું ન ભુલતો હોઉં તો દેવલાલીવાળા શ્રીમદ્ ભક્ત જેસંગભાઈના સસરા પક્ષના “મામા” અહીં આવેલા, તેમણે સરસ ઉદ્દગાર કાઢ્યા : “આજે શ્રીમદ્ ચાહકોમાં મૂળે તો કર્મયોગ જ ખૂટે છે. જ્યાં લગી કર્મયોગ આજના ભક્તિ જ્ઞાનમાં ઉમેરાશે નહીં ત્યાં લગી શ્રીમદ્ પ્રભાવ ઊભો નહીં થઈ શકે. તા. 5-6-81
સંતબાલા
નોંધ : સ્વ. શ્રી દુલેરાય માટલીઆએ ગુરુદેવના જીવનનો બીજો ભાગ લખેલ તેનો પૂર્વાર્ધ ગુરુદેવ વાંચતા તે બાબત શ્રી બળવંતભાઈએ તેમના ડાયરી પા. ૨૮૦૮ થી ૨૮૧૧માં નોંધ કરી છે જેના અમુક અવતરણો ગુરુદેવના વિચારો જાણવા ઉપયોગી હોવાથી અત્રે આપેલ છે.
શ્રી સદગુરુ સંગે : વિશ્વને પંથે
