________________
૨૦૮ દયાજ છે. પરંતુ જો અંતર દયા (ભાવ દયા) સાથો સાથ ન હોય તો એ બાહ્ય દયા છેવટે કાયરતાને માર્ગેજ લઈ જાય છે. આ ઉપરથી ભગવાન કૃષ્ણ અર્જુનને
જ્યારે કુરુક્ષેત્રે પલાયનવૃત્તિ દાખવી ત્યારે અર્જુનને ઠેકાણે લાવવા ઘણો પ્રયત્ન કરવો જ પડેલો. આખરે તો તે વૈરાગ્ય નહોતો પણ મોહ હતો. ટૂંકમાં ક્યાં અહંતા મમતા જોર કરે છે તે ઝીણવટથી ચિંતવવું અને જાગૃતિ પૂર્વક જ આગળ વધવું હિતાવહ બની રહે છે. તા. 17-5-81
સતલાલ
“ગૃહિણી ગૃહમુચ્યતે” ગુરુદેવઃ ... મહાપુરુષોએ દર્શાવ્યું છે ? ઘર તો માત્ર ગૃહિણીનુંજ, ગૃહિણી ગૃહમુચ્યતે” તમે એ પણ જોઈ શકશો કે પત્ની સાથે “ધર્મ” શબ્દ લગાડાયા છે. પતિ સાથે નથી લગાડાતો. આ બધાનો સાર એ કે “ધર”નું ધર્મ મંડાણ એક માત્ર નારી ઉપરજ છે. જો આમ હોય તો કમમાં કમ રોજ બાળકોએ માતાને પ્રભાત વંદન કર્યા વિના ચાલેજ નહીં. કહેવાય છે કે કચ્છ-માંડવીના શાન્તિદાસ આશાકરણ પોતાનાં નવી માતા હતાં છતાં વંદન કરતા. વર્ષોનો બન્ને વચ્ચે નહીં જેવોજ ફેર હોવા છતાં પ્રભાતે વંદતા, એટલું જ નહીં પરંતુ જ્યારે જ્યારે ઘરથી બહાર જાય, ત્યારે પણ વંદન કરીને જ થાય. ત્યારના કરોડપતિનું ઘર આથી કેવું ધર્મ નિર્ભર રહેલું અને શોભેલું ?
આ ટેવ આપણે ત્યાં નવેસરથી પાડવી જરૂરી લાગે તો શરૂઆત કરાવી દેવી સારી. અત્યાર લગી નારીનું મૂલ્ય આપણા ચાલુ સમાજમાં સામાન્ય અંકાયું છે, તેમાં ધરમૂળથી ફેરફાર કરવો પડશે. સવાર, તા. 18-5-81.
સંતબાલ
પુરુષાર્થમાં શ્રદ્ધાની જમાવટ થાય ત્યારે જ સફળતા સાંપડે
આખરે માનવી તો નિમિત્ત માત્ર છે. મૂળ ઉપાદાન કારણે તો પોતાનો પુરુષાર્થ છે. અલબત્ત એ પુરુષાર્થમાં શ્રદ્ધાની જમાવટ થાય છે ત્યારે જ નિમિત્ત પ્રબળ હોય તોય સફળતા સાંપડે છે. વળી આખુંય જગત એટલું તો સભર અને પરસ્પર સહયોગી છે કે અવ્યક્ત જગતને જે જાણે, જુવે અને માણે તે જ સમજી શકે. એટલે ભલે આપણે યશ આપણા કહેવાતા સગુરુને
શ્રી સદ્ગુરુ સંગે : વિશ્વને પંથે
