________________
૧૪૦
ટ્રસ્ટી સિદ્ધાંત ગરીબાઈને જગતમાંથી દૂર કરવી જ પડશે. પણ તેમાં ટ્રસ્ટીપણાનો સિદ્ધાંત અસરકારક ભાગ ભજવી શકશે. પોતે સાવ સાદાઈથી રહેવું, અથવા જે ઉપલબ્ધ થાય તેથી સંતુષ્ટ રહેવું પણ બીજા માટે પોતાના હૃદય સહિત ઘર બારણાં ઉઘાડાં રાખવાં.
મુંબઈ - મોહમયી કે વૈરાગ્યમયી ?
મુંબઈ જેમ મોહમયી છે તેમ વૈરાગ્યમયી નગરી પણ છેજ. જૂના કાળના નાટકીઆઓ પણ શ્રીમંત ઘરના નબીરાઓને ભર્તુહરીનો ખેલ દેખાડી વૈરાગ્યરસ તરબોળ બનાવી ઘડીના છઠ્ઠા ભાગમાં સાચો વૈરાગ્યરંગ લગાડી દેતા, તે વાતો ખરી છે.
છેવટે તો નિસર્ગ મૈયાને ભરોસે છોડવું
પુત્ર રાજીવ, માણસ દિનકર, આપણા ખેતર પાસેનો ખેડૂત, કર્મચારી બબન - આ બધાં તો વિવિધ નિમિત્તોજ છે. મૂળે તો વ્યક્તિત્ત્વમાંથી વિશ્વમયતામાં જનાર માટે આવાં બધાં નિમિત્તો વૈવિધ્યપૂર્ણ રીતે ડગલે ને પગલે આવવાનાંજ. એમાં વિવેકપૂર્વક ગુરુ-પ્રભુકૃપા સાથે ડગલે અને પગલે વિચારવું પણ ખરું. પરંતુ આખરે તો આપણા તર્કો પણ મર્યાદિત છે અને આપણા પ્રયતોને પણ મર્યાદા છે. આપણી બહારથી મળતી સહાયને પણ સીમા છે. એટલે છેવટે એ બધું નિસર્ગ મૈયા (કુદરત)ને ભરોસે છોડવું જ પડે છે. માત્ર આવા જમેલામાં શ્રદ્ધા ભાતું ખૂટી ન પડે એટલા માટે શ્રદ્ધેયજનનું માર્ગદર્શન લેવા ભલે દોડી જઈએ. તે જરૂરી પણ છે. પરંતુ આખરે એ બધામાંથી જે કાંઈ મળે તેની હદ રહેવાની જ. એટલે છેવટે કહી દેવું
“નિસર્ગ ધાર્યું બનતું સહુ કે નિસર્ગ ધાર્યું ફળતું સહુ કે, પ્રયત્નનું તો પરિણામ માત્ર
છે વિશ્વપ્રેમી બનવાનું વા'લા.” હા, સાધન શુદ્ધિ પૂરેપૂરી જાળવવી જ્યાં ત્યાં રોદણાં રડવાં નહીં... ઘાંઘા થવું નહીં.
શ્રી સદગુરુ સંગે : વિશ્વને પંથે
