________________
૧૨૩ પસંદ કરવો તે તમારે પણ નિશ્ચયપણે શોધતાં શીખી લેવું જોઈશે. ભોળવાઈ જવાનો આ સમય નથી.
(૪) પરિગ્રહ મેળવવા છતાં ટ્રસ્ટી તરીકે રહી શકાય એવી વાતોથી તમારે દૂર રહેવું જોઈએ. તેમ ભાષા શૈલીમાં સમત્વ જાળવી શકો છો. એ રીતે કુશળ છો પણ તમારો મગજ ફાટે છે ત્યારે તમો જે ભાષા વાપરી નાખો છો તે શરમ ઉપજાવે તેવી હોય છે. તમારામાં ઊંડો પૂર્વગ્રહ કેટલીકવાર નથી હોતો, પરંતુ એક માણસ માટે બંધાએલી સંસ્કારગ્રંથી તમોને ખૂબ પજવે છે. ગૃહનેહ માટે પણ મુખ્ય દર્દ એ બને છે. તમારામાં શ્રદ્ધા અને સંસ્કારિતાના અમુક બીજો ખૂબ સારાં છે, પણ તેમાં સૂક્ષ્મ મિથ્યાભિમાન આડખીલી રૂ૫ રહે છે. તમારો અનુભવ એકંદર પ્રશંસાપાત્ર ગણાય.
(શ્રી બળવંતભાઈ: પૂર્વગ્રહ અને સંસ્કારગ્રંથી વચ્ચે તફાવત શું તે પર ગુરૂદેવ પ્રકાશ પાડે તો કેવું સારું?)
ગુરુદેવ ઃ ઊંડો પૂર્વગ્રહ એ મોટે ભાગે જોનાર વ્યક્તિમાં પોતામાં પડેલી એક જાતની ઊંડી પકડ છે. જે સામેની વ્યક્તિ ઉપરાંત તે કયા ધર્મની, કઈ જ્ઞાતિની, કયા દેશની કે વિદેશની? એ બધું એમાં ભાગ ભજવે છે. જ્યારે એક માણસ માટે બંધાએલી સંસ્કારગ્રંથી એ એક માનવી પૂરતી એના સ્વભાવ માટે બંધાએલ માન્યતા પૂરતી હોય છે. તા. 22-6-77
- સંતલાલ (૫) તમારામાં ઝીણવટનો ગુણ સારો છે, પણ કેટલીક નજીવી વાતોને બહુ મહત્ત્વ આપો છો, તે ન આપવું જોઈએ. બધાને સાથે લઈને ચાલવું હોય ત્યારે માણસે ઉદાર, સહનશીલ અને કેટલીક વાતોને ગળી જનાર દરિયાવ દિલ થવું જોઈએ. ચીડની કુટેવ દૂર કરવી જોઈએ.
(૬) બીજા સાથે લીંબુના પાણીની જેમ મળી જવાનો ગુણ ઉત્તમ છે. તમો ગમે તે ક્ષેત્રમાં ચાલી શકશો. કાંઈક ઉશ્કેરાટ (છૂપો) આવી જાય છે અને ક્યાંક રાગવાળી ભક્તિ ઉભરાઈ જાય છે, તે પર સંયમ રાખતાં શીખવું ઘટે. દરેકના વિચારોના પ્રવાહો વિવિધ હોય છે ત્યાં તણાઈ ન જતાં સ્વતંત્રપણે મૌલિક રીતે વિચારો ગળી ગળીને પોતાના કરવાની ટેવ પાડવી જોઈએ. હજુ તમારે ઘણા મોટા થવાનું છે એટલે મોટા થવાના મોહમાં ફસાવું ન જોઈએ. કોઈ પ્રત્યે પૂર્વગ્રહો (ખોટા) ન બાંધી બેસવા જોઈએ. નિયમિતતા, વ્યવસ્થિતતા અને ઉપયોગીતાના પાઠો બરાબર પાક્કો કરવા જોઈએ. ઘરમાં અતિરાગ
શ્રી
ગુરુ સંગે : વિશ્વને પંથે
