________________
૧૨૨ ગયા ગણાઈએ. “વિશ્વમયતામાં જ્યારે સૌની સાથે હદયભેર મળવાનું છે, ત્યારે આવું પણ કરવું અનિવાર્ય બને છે.
- સંતલાલ
ગુંદી, તા. 11-11-76
મુનિશ્રીનું સહકાર્યકરોનું વ્યક્તિગત મૂલ્યાંકન મંગળ તા. ૯-૧૧-૭૬ના અંબુભાઈ સાથે સાંજના મેટાડોરમાં અહીં આવ્યો. આજે પૂરા બે દિવસ થશે.
અભ્યાસમાં ગુરુદેવના જૂના પત્રોની ફાઈલનું વાંચન અહીં કરું છું. ૧૯૪૬થી ફાઈલો છે. એ દિવસોમાં વર્ગો ભરી ગુરુદેવ કાર્યકરોનું ઘડતર ઝીણવટથી કરતા, બીજી પ્રવૃત્તિઓ સાથે, વર્ગ-શિબિરમાં આવનાર કાર્યકર કે વિદ્યાર્થીને કેવાં સૂચનો અને તેઓનું સૂક્ષ્મ reading - સ્વભાવનું - તેના થોડાક નમૂના અત્રે નોંધવા જરૂરી છે. માથે તારીખ કે સ્થળનું નામ નથી લખ્યું પણ પૂર્વાપર સંબંધ મેળવતાં અને અંબુભાઈને પૂછતાં તા. ૧૦-૫-૪૬ આસપાસ અરણેજ મુકામે મળેલાં (જમાં ડૉ. શાંતિભાઈ પણ હતા) વર્ગમાં, દરેકે દરેક શિબિરાર્થી ભાઈ બહેનોને, વ્યક્તિગત સ્વભાવ સુધાર સૂચનો (નોંધ પરથી લાગે છે કે કુલ ૩૪ વ્યક્તિએ વર્ગમાં ભાગ લીધેલો) ગુરુદેવે લખી આપેલા, ... તે વિચારવા જેવા છે. ... સૂચનો (ગુરુદેવના) જુદી જુદી વ્યક્તિ બાબત :
(૧) કોઈથી ભોળવાઈ કે દોરવાઈ ન જાઓ. તમારું હૃદય ઊંચું છે. પ્રભુ શ્રદ્ધા પણ ઠીક છે. તમારામાં બીજા ગુણો ઘણા છે જે સુતા છે. એક દિવસ એ સળવળશે ત્યારે તમારું તેજ ખૂબ દીપી ઊઠશે.
(૨) ચપળતા સારી છે. હિંમત અને ઉત્સાહ ઉત્તમ છે. સાવધાન આજથીજ રહેવું. અસાવધાનતા આજની હાલતમાં આપણને ગબડાવી દે માટે ચપળતાની સાથે, ચિવટ અને ઉત્સાહની સાથે ચોક્કસાઈ અને હિમ્મત સાથે હોંશિયારી કેળવાનો પ્રયત્ન કરવો.
(૩) સ્વભાવગત વાત્સલ્ય છે. નૈતિક હિમ્મત ઉચ્ચ કોટિની છે. ભવિષ્ય સમાજમાં ઊંચી કક્ષાના કાર્યો કરી શકવાની શક્યતા છે. પણ સાથીઓને કાબૂમાં રાખવાની કળા ઓછી દેખાય છે. તમોને જવાબદારી સોંપી શકાય તેવી હજુ સ્થિતિ આજે નથી. સાથીઓના ખાનપાન અંગે જેટલી કાળજી છે, તેટલી તે કેમ બોલે છે, કેમ ચાલે છે, એની માતાની જેમ ચોકી રાખી યોગ્ય દોરવણી આપવાની કળા તમારે હવે શીખી લેવી જોઈએ. તમારે કયો માર્ગ
શ્રી સદગુરુ સંગે : વિશ્વને પંથે
