________________
સદ્ગુરુ પ્રસાદ
‘વિશ્વમયતા’નો મંત્ર આપી, વર્ષો સુધી તેને ઘૂંટાવનાર, (આ ડાયરીઓ લખાવીને) સદ્ગુરુ પૂ. સંતબાલજી મહારાજનું મીઠું સ્મરણ આજના મંગલ પ્રભાતે થાય છે. તે સાથે આપણા મૂર્ધન્ય કવિ શ્રી મકરન્દ દવેની આ સાખી તાજી થાય છે,
જ્ઞાન હથોડી કરગ્રહે, સદ્ગુરુ બને સુનાર, તિનો અવગુણ મિટ ગયે, માર, ધાર, આકાર.
કટાર અને કટોરી શીર્ષક નીચે કવિએ આ સાખી લખી છે, આગળ કહે છે, ગુરુ જ્ઞાન આપે પણ સદ્ગુરુ જ્ઞાન ઉપરાંત ઘાટ આપે. ગુરુ છાયા સ્પર્શ કરે પણ સદ્ગુરુ કાયા સ્પર્શ કરે. “ગુરુ અને સદ્ગુરુ વચ્ચે આટલો ભેદ ! સદ્ગુરુએ ઉપરનો મંત્ર આપી, મારા તીખા તમતમતા સ્વભાવને (કટારને કટોરીમાં) ક્યારે પલટી નાખ્યો-રૂપાંતરિત કરી નાખ્યો તે ખબર ન પડી. દક્ષિણ આફ્રિકાથી આવી ભારત વસવાટ, અને અહીંના અઘરા-અટપટા વેપારી ક્ષેત્રમાં એકલા હાથે સફળતા મેળવી એટલે ‘અહંકાર’ આસમાને સ્વાભાવિક જ હતો. આને સદ્ગુરુ સંગે ક્રમે ક્રમે ઓગાળ્યો.
મંત્ર તો મળ્યો પણ એનો વહેવાર - Practice કેમ કરવી, તે પણ જ્ઞાની સદ્ગુરુએ સતત દોરવણી - ડાયરીમાં છે તેવી - આપ્યા કરી. પોતે પાકા વીસા, વિચક્ષણ વાણિયા એટલે કાયમ તાળો મળતો રહે - પ્રગતિના આ માર્ગનો - તે માટે, અમારા દાંપત્યજીવનની એકતા, પ્રથમ પગલા તરીકે મંગલાચરણમાં પૂજ્યશ્રીએ સૂચવ્યું. અને ડાયરી લખવાની વાત હળવેકથી મને કરી, આ મૂંઝવણનો આપોઆપ નિવારણનો માર્ગ ખુલ્લો કર્યો. પછીની વિગતો તો ડાયરીમાં છે. આજે અમારું દાંપત્ય કસાયેલા અને સમાનતાયુક્ત જીવનસાથીનું છે, દાંપત્ય આવું રૂડું બને એથી વિશેષ, સદ્ગુરુ પ્રસાદ બીજો શું હોઈ શકે ?
પચીસ વર્ષના સ્વાનુભવો પછી, આજે એક વસ્તુ સ્પષ્ટ છે કે, કોઈપણ ઊંચા આદર્શને આંબવા, જાતથી જ શરૂઆત થાય તો આગળ વધાય ધીમે ધીમે. સાથોસાથ યોગ્ય-માર્ગદર્શન જો મળી જાય તો, કામ ઘણું સરળ અને સાચી દિશામાં ચાલે. આદર્શ આપ્યો આભ ઊંચો ! વિશ્વમયતાનો, પણ તેના અમલીકરણ માટે,
10
