________________
ગુણાભિવ્યંજક પ્રાર્થના
(વસંતતિલકા) ઓ દિવ્યપુંજ ! તુજ તેજ હીણો બને જ્યાં, ત્યાં તો તિમિરપડદા મુજ આંખ આડા; આવી અનર્થપથમાં પડતાં હસાવે, મીઠાં પ્રલોભન મુને દઈને ફસાવે. ૪ હું મંદ !! મૂર્ખ !! નવ લેશ વિવેક જાણું, શું ગ્રાહ્ય હોય મુજને ન વિચાર આણું; અંધો લઈ અવર અંધતણા સહારા, ખત્તા જ ખાય કહું તે જ હવાલ મારા. ૫ કારુણ્યસૂચક-પ્રાર્થના
(મંદાક્રાન્તા). કે'તા કંપે કરમ કથની કાળજું કાળજૂનું, પાપી પેલું કરુણ બનતું ચિતડું સાવ સૂનું; આજે મારું રુદન ભરતું આવ્યું હૈયું રડે છે,
આંસુભીનું નયન ઝરણું અંગને ભીંજવે છે. ૬ શ્વાસ રૂંધ્યાં વચન સઘળાં શું વંદું એ ન સૂઝે, બોલ્યાં પે'લાં દરદી દિલના ઘાવ લાગ્યા ન રૂઝ, કાલું ઘેલું શિશુ કવન શું માડી હૈયું ન જાણે, ગાંડા બાંડા રૂદિત સુતની પીડ શું ના પિછાણે ? ૭ જ્યારે વિશ્વ પ્રલય સમયે દાહ સૌને કહે છે, ત્યારે માતા હૃદય મધુરું પ્રેમથી નીતરે છે; જે પાપીનું અવનીતલમાં કો ન સાથી રહે છે, એનું અંકે શિર ધરી કરી ચુંબવા એ મથે છે. ૮ આ દુઃખીની સભર જગમાં માવડી એક મારી, હું પાપીના પતિત તનને તં જ પંપાળનારી; થાકી આજે શરણ લઉં છું એકલું એક તારું; ખોબે ખોબે પુનિત જળ લે પાપ ગંદાં નિવારું. ૯
