________________
લપ
છે તેમ આ ઋષીશ્વરનો આત્મા પણ ત્રાસ, આપત્તિ અને સંકટોમાંથી પસાર થતો જાય છે તેમ તેમ વધુ ને વધુ તેજોમય બનતો જાય છે. વર્તમાન વિગત
આ મુનિશ્રી બુરાનપુર સુધી દૂર ગયેલા અને પોતાના જીવન કાળમાં ધર્મ પ્રચારનું તેમણે સુંદર કાર્ય કર્યું છે.
આવી રીતે દીર્ઘકાળ સુધી સંયમમય જીવન ગાળી શરીર જીર્ણ થયા પછી આહારાદિનો પ્રાણાન્ત ત્યાગ કરી એકદા તેઓ પોતાના જીર્ણ શરીરને છોડીને સ્વર્ગમાં સીધાવ્યા. (તેમનો દેહાન્ત સમય ઉપલબ્ધ થતો નથી.) તેમના પછી તેમની પાટે સોમજી-ષિ આવ્યા હતા. અને સોમજીઋષિ પછી તેમને કાનજી નામે શિષ્ય થયા. તે કાનજીઋષિનો એક મોટો સમુદાય દક્ષિણ, માળવા ઈત્યાદિ પ્રદેશમાં વિચરે છે. તે સંપ્રદાયમાં પચીસેક જેટલા સાધુજીઓ અને સો એક જેટલી આર્યાજીઓ વિદ્યમાન છે.
આ સમુદાયમાં શ્રીમાન અમુલખઋષિજીક આચાર્ય પદવી પર પ્રતિક્તિ છે. તેઓ જૈનશાસ્ત્રોના પ્રખર અભ્યાસી, (જેમણે સૂત્રની બત્રિસીનો હિન્દી અનુવાદ કર્યો છે.) વિદ્વાન, વિચારક અને ઘણીજ શાન્ત પ્રકૃતિના છે. શ્રીમાન લવજી ઋષિની મૂળ શાખા હજુયે ખંભાત સંપ્રદાય તરીકે ઓળખાય છે અને તે સંપ્રદાયની પૂજ્ય પદવી પર હાલમાં શ્રી છગનલાલજી મહારાજ છે.
આ સંપ્રદાયમાં સાધુ સાધ્વી સમુદાયની સંખ્યા અલ્પ પ્રમાણમાં એટલે કે લગભગ સત્તરની છે. લવજી ઋષિના સમુદાયની એક શાખા પંજાબમાં પણ છે. અને તે સંપ્રદાયમાં પૂજ્ય શ્રી સોહનલાલજી મહારાજ કે જેઓ દીર્ઘ તપસ્વી, બહુશ્રુતી અને પ્રૌઢ છે. તેમનું વય પણ વિશેષ છે અને વર્તમાન સમયમાં સ્થાનકવાસી સમુદાયમાં જે સાધુઓ વિદ્યમાન છે તે સૌ કરતાં તેઓ દીક્ષાવૃદ્ધ તરીકે ગણાય છે. **
મહાસતીજી પાર્વતીજી કે જે પ્રખર વિદુષી અને પ્રબળ ચર્ચાવાદી તરીકે પ્રસિદ્ધ છે તે આજ સમુદાયનાં આર્યા છે. આ સમુદાયમાં પંચોતેર સાધુજી અને સાઠ સિત્તેર આર્યાજીઓ વિદ્યમાન છે.
* જેમનું તા. ૧૪-૯-૩૬ ના રોજ દેહાવસાન થયું છે,
** પંજાબકેશરી પૂજ્યશ્રી સોહનલાલજી મહારાજનું તા. ૬-૭-૩૫ ના રોજ દેહાવસાન થયું છે.
ધર્મપ્રાણ : લોકાશાહ
