________________
પ
ઉપદેશધારાનો પ્રભાવ
જનતા પૈકી તમસ્તિમિરથી વર્ષો થયાં વિંચાયેલા તેઓમાંના કેટલાકનાં નેત્રો આ ઉગ્ર રોશનીને ઝીલવા માટે હજુ તૈયાર થયાં ન હતાં. પરંતુ જેમજેમ સમય જતો ગયો તેમ તેમ જ્ઞાનની જ્યોતિ ઝગમગવા લાગી. ગ્રીષ્મ ઋતુના ઘામથી પરિકલાન્ત થયેલા પાન્થીઓને શીતલ વૃક્ષની છાયા જેવો અહીં આરામ મળતો. વૈષ્ણવો, શૈવો અને જૈનોનાં ટોળેટોળાં ઊભરાતાં અને આ સુધા નદીનાં અમૃત આસ્વાદીને અમર બનતાં.
પ્રભાવ અને ચર્ચા
ભગવાન મહાવીરનાં જ સૂત્રોમાંથી આ સત્ય અસલ સ્વરૂપમાં નીકળીને લોકોમાં તેણે નવચેતના જાગૃત કરી દીધી. ઉપાશ્રયો શ્રાવકો વિનાનાં સૂનાં પડવા લાગ્યાં. સૂરિસમ્રાટો ધમધમવા લાગ્યા. પોતાના ભક્તશ્રાવકોને લોંકાશાહ પાસે જવા માટે રોકવાના પ્રયાસો ઘણા થયા; પરંતુ સત્ય આગળ તેના આ પ્રયાસો મિથ્યા થવા લાગ્યા. વીર લોંકાશાહની સિંહગર્જના આગળ તેઓની પપુડી ઠંડીગાર જેવી થઈ ગઈ. જેમ જેમ પ્રત્યાઘાતો થતા ગયા તેમ તેમ લોકાશાહનો પ્રભાવ વધતો ગયો અને તેની ક્રાન્તિનાં મોજાં દૂર-સુદૂર ફરી વળ્યાં.
એ અરસામાં એટલે સંવત ૧૫૨૮માં અણહીલપુર પાટણથી લખમશી શેઠ લોકાશાહની બહુશ્રુતતા, ક્રાન્તિ, ઉદારતા અને ઉત્તમ ચારિત્રની પ્રશંસા સાંભળી ખાસ અમદાવાદ આવ્યા. તે સમયમાં પાટણ એ ખરેખર જૈન-પુરી જ ગણાતું. હજારો જૈન મંદિરો અને સેંકડો સાધુઓ ત્યાં રહેતા હતા. લખમશી શેઠનું અહીં આવવાનું પ્રયોજન તો લોંકાશાહે ચકાસવાનું જ હતું અને તેથી તે અનેક દલીલો તૈયાર કરી તેમની પાસે આવ્યા હતા. તેમનો ઈરાદો લોંકાશાહને સુધારવાનો હતો.
સાધુઓના બખાળા
પાટણમાં અધિકારવાદના શોખી સાધુઓએ એવી અફવાઓ ફેલાવી દીધી હતી કે અમદાવાદમાં એક લોંકા નામનો લહિયો શાસનનો દ્રોહ કરી રહ્યો છે. સૂત્રને નામે ઉત્સૂત્રની પ્રરૂપણા કરી રહ્યો છે. શાસ્ત્રમાં લખેલી મૂર્તિપૂજાને વખોડી કાઢે છે. સાધુઓને હલકા પાડવાની પ્રરૂપણા કરે છે. તેની બરાબર ખબર લેવી
ધર્મપ્રાણ : લોકાશાહ
