________________ લોકાશાહ એટલે? | લોકસાધુ-લોકનેતા t જ કરી જૈનધર્મના ઇતિહાસમાં લોકાશાહની ક્રાંતિ ખરેખર અદ્વિતીય, અપ્રતિમ અને અદ્ભુત છે. આ ક્રાંતિની દિશા પણ સાદી અને સરલ છતાં પ્રભાવશાળી અને તેજોમય છે. લોકાશાહનું કાર્ય ધીમું છતાં પુષ્ટ અને બળવત્તર છે. તેના જીવનમાં ખરેખર ટૂંઢકવૃત્તિ એટલે કે સત્યશોધકતાના દરેક પ્રસંગે પગલે પગલે દર્શન થાય છે. આ વખતે જૈનત્વનું એ નિગૂઢ અને પરમસત્ય ભગવાન મહાવીર પછી બરાબર 2000 વર્ષે પોતાની ઉપરના જીર્ણ અને મલિન છે થયેલા ખોખાને ઉડાડી તદ્દન વાસ્તવિક સ્વરૂપમાં ઝળહળી ઊઠે છે. કેવી એ અપૂર્વ પળ ! ધન્ય હો એ વિજેતાને ! પ્રબળ રૂઢિ અને પ્રબળ સત્તાશાહીથી ટેવાઈ ગયેલી જનતા સમક્ષ એ પરમ સત્યને યથાર્થ રૂપમાં પ્રગટ કરતાં તેને કેટલું શોષાવું પડ્યું હશે, એ જ્યારે કલ્પના કરીએ છીએ ત્યારે ખરેખર તેમની અડગતા, ધૈર્ય, સત્યનિષ્ઠા, શાસનભક્તિ, લોકકલ્યાણની ભાવના ઈત્યાદિ ઉચ્ચ ગુણોની પ્રતીતિ થઈ તેમના પ્રત્યે પૂજ્ય બુદ્ધિ ઉત્પન્ન કરે છે, અને સાથે એમ પણ હવે તો સ્પષ્ટ દેખાઈ રહે છે કે જે કાર્ય શાસનની વિરલ વ્યક્તિઓના અથાગ પ્રયાસ છતાં ન બન્યું તે તેમણે તુરત જ પ્રત્યક્ષ કરી બતાવ્યું. ભારત વર્ષે અનેક ક્રાંતિકારો જન્માવ્યા... પણ અર્વાચીન યુગના ઇતિહાસમાં પ્રથમ ક્રાંતિકાર તરીકેનું પ્રથમ માન જીતી જનાર એ વીર લોકાશાહ ખરેખર આખાયે લોકમાનસને દોરનાર સાચો લોકાશાહ એટલે કે લોકસાધુ-લોકનેતા પાક્યો હતો. 0 “સંતબાલ'
