________________
શાબ ચાલુ કર્યું માંડ ગણતરીના દિવસો વિત્યા હશે કે અમને તાલુકા રાજકીય કોન્ફરન્સ બોલાવવાનું મન થયું. તારીખ નક્કી કરી. પ્રમુખપદ સ્વીકારવા અમે શ્રી વલ્લભભાઈ પટેલને વિનંતી કરી. સહર્ષ તેમણે અમારી અરજ માન્ય રાખી. ત્યારે સરદાર, શ્રી વલ્લભભાઈને નામે જાણીતા હતા.
૧૯૨૧માં ધંધુકા જવા માટે અમદાવાદથી ગાડી પકડી વિરમગામ, વઢવાણ-કેમ્પ હાલનું સુરેન્દ્રનગર થઈ રાણપુર ઊતરવું પડે. ત્યારે ખાનગી મોટર કે બસે આજના જેટલી ન હતી તેથી એક ખાનગી રાહે ચાલતી બસમાં ઠચૂક ઠચુક કરતી શ્રી વલ્લભભાઈ અને તેમની મંડળી ધંધુકા આવી. શ્રી વલ્લભભાઈ સાથે મરહૂમ ઈમામ અબ્દુલ કાદર બાવઝીર અને શ્રી ઈન્દુલાલ યાજ્ઞિક હતા. પણ કોન્ફરન્સ ધંધુકામાં નહતી. ધંધુકાથી તેર માઈલ દૂર ભડિયાદ મુકામે તે મળવાની હતી. રાતના ગાડામાં બેસી વાટે ધૂળ ફાકતા વહાણામાં અમે ભડિયાદ પહોંચ્યા.
ભડિયાદ ભાલના નાકાનું સુંદર ગામ છે. સુઘડ ખેતીના કારણે સુખી ગામ ગણાય. ત્યાં હ. મહેમૂદશાહ બુખારી ૨. અને રોજે છે. દર વર્ષે રજબ માસમાં તેમને ઉર્સ (મેળો ભરાય છે, બહારગામથી ઠીક ઠીક દૂરના હિંદુ-મુસલમાન પોતાની શ્રદ્ધા પ્રમાણે આ મેળામાં હાજરી આપે છે. આ પ્રસંગનો લાભ લઈ અમે ભડિયાદમાં કોન્ફરન્સ બોલાવી હતી. વહેલી સવારે ભડિયાદ પહોંચ્યા.
