________________
પરિશિષ્ટ-૧
૧. આજે મારે સ્વધર્મ-આમરણ અનશન વહાલાં સ્વજને,
ગૌરક્ષાના હેતુએ કર્તવ્યરૂપે મારા આમરણાંત અનશનના સંકલ્પ મુજબ તા. ૧લી એપ્રિલ '૮૨ સુધીમાં ગોવધબંધી માટે કેન્દ્રીય કાનૂન લાગુ નહિ થાય તો ૨જી એપ્રિલ '૮૨ રામનવમીના પવિત્ર દિવસથી મારું અનશન શરૂ થશે અને ચાલુ અનશને જે એવો કાનૂન બનશે તો પારણું કરીશ. નહિતર આમરણાંત સુધી તે અનશન ચાલુ રહેશે.
રામનવમીને દિવસ નજીક આવતા જાય છે તેમ મિત્રો, સ્નેહી સ્વજનો તેમ જ ગપ્રેમી સજજનો તરફથી મારી સમક્ષ પ્રેમથી ભારપૂર્વક ઘણી દલીલે સાથે રજૂઆત કરવામાં આવે છે, જેમાં મુખ્યત્વે આમરણાંત અનશનના સંક૯પને પુનર્વિચાર કરવાની વાત હોય છે.
મિત્રોની દલીલમાં તથ્ય હોય છે. પરંતુ મારા સંકલ્પના સંદર્ભમાં પ્રાપ્ત એવા મારા સ્વધર્માચરણની દૃષ્ટિએ મારે માટે તે સત્ય નથી.
નમ્રપણે કહીશ કે, મારી પાસે કઈ વાત આવે છે તો તેના પર વિચાર કરવાની મને ટેવ છે. કરેલા નિર્ણય વિષે પુનવિચાર કરતાં એમાં ફેરફાર કર ઉચિત જણાય તો એ ફેરફાર કરવામાં પ્રતિષ્ઠા કે બીજી ત્રીજી કઈ ગણતરી કર્યા વિના ઉચિત ફેરફાર કરવામાં હું માનું છું. મારાં ચિંતન અને નિર્ણય વ્યક્તિલક્ષી રાખવાનો પ્રયાસ કરું છું. આ દષ્ટિએ આ દલીલ વિષે મેં ઊંડાણથી વિચાર્યું છે.
