________________
99
ફરજિયાતી લાદતે કાયદો હતો. ખેડૂતોની માગણી હતી
(૧)જમીન ફરજિયાત ખરીદ કરવાનો નિયમ રદ કરવામાં આવે.
(૨) ખેડૂતને કાયમી ગણોતિયા ગણું સૌરાષ્ટ્રની જેમ મહેસૂલના છ પટ જેટલી કિંમતે તેને જમીન આપવામાં આવે.
(૩) કોઈપણ સંજોગોમાં ભાલની જમીનને પ્રકાર જોતાં જમીનની કિંમત ૨૫ પટ કરતાં વધારે ન હોવી જોઈએ.
નો કાયદો ખેડૂતને અન્યાય કરતો હતો. એ કાયદાથી ખેડૂતને ન પોષાય તેટલી ભારે કિંમત દેવી પડે તેવી દહેશત હતી. તે અન્યાય દૂર કરાવવા સભા-સંમેલનો, પ્રતિનિધિઓની મુલાકાત, રાજ્યના મંત્રીઓને સમજાવટથી માંડીને કેંગ્રેસ દ્વારા ખેડૂતોને ન્યાય અપાવવા તનતોડ પ્રયત્ન કરવામાં આવ્યા, પણ કયાંય પાકી ખાતરી મળી નહિ.
કેંગ્રેસને ખેડૂતના મતની ખાતરી હતી અને ગરાસદારને રીઝવી તે પોતાની સત્તા પુષ્ટ કરવા મથતી હતી. પ્રતિનિધિઓમાંથી બહુ ઓછા આ પ્રશ્નને સમજી શકતા હતા. મુંબઈ રાજ્યનો વિસ્તાર એવડો મોટો હતો કે પ્રતિનિધિ પોતાના ક્ષેત્રના લાભાલાભથી વધારે વિચારવા કે સમગ્રતાથી કામ કરવા ટેવાયેલા ન હતા. બધા પ્રયત્નમાં નિષ્ફળતા મળ્યા પછી શુદ્ધિપ્રયોગ કરવાનું નક્કી થયું.
