________________
સૂચનો કરેલ છે તે પણ આ પુસ્તિકામાં આપેલ છે.
પંચાયતી રાજ વ્યવસ્થાનો મૂળભૂત ઉદેશ તો ત્રણેય સ્તરની પંચાયતો પક્ષીય રાજકારણથી પર રહીને ગ્રામ સ્વાવલંબન સાધી શકે અને સ્વસ્થ અને સુગ્રથિત શોષણહીન ગ્રામસ્વરાજ સ્થાપી શકે તે દિશામાં કાર્યરત થવાનો છે. આ માપદંડથી માપતાં ગુજરાતનો પંચાયત ધારો ઘણો ઉણો ઉતરે છે. સાચો ઉદેશ સિધ્ધ કરવા માટે સને ૧૯૯૩માં ગુજરાત પંચાયતી રાજ વિકાસ સંગઠને રાજ્ય સરકારે એક આવેદન પત્ર સુપ્રત કર્યું હતું. આ આવેદનપત્ર મહદઅંશે અત્યારે પણ પ્રસ્તુત છે. તેથી તેનો ટૂંકો સાર પણ આ પુસ્તિકામાં આપવામાં આવેલ છે જેથી રસ ધરાવતી વ્યક્તિઓને અને સંગઠનોને યોગ્ય દિશામાં પુરુષાર્થ કરવામાં સહાયક થઈ શકે.
ગુજરાત પંચાયતી રાજ વિકાસ સંગઠનના પ્રમુખ અને મંત્રી અનુક્રમે સર્વશ્રી ટી.યુ મહેતા અને રમેશ મ. શાહે ખૂબ જહેમત ઉઠાવીને આ પુસ્તિકા તૈયાર કરી આપી છે. વળી એડવોકેટ શ્રી જે. જે. યાજ્ઞિક અને અમારા સાથી શ્રી કલ્યાણભાઈ શાહે પણ પુસ્તિકા તૈયાર કરવામાં ઘણાં ઉપયોગી સૂચનો કર્યા હતાં. પુસ્તિકાના ઉપર્યુક્ત લેખકો અને આ મિત્રોનો અત્રે સહર્ષ ઋણસ્વીકાર કરીએ છીએ.
આશા છે કે આ પુસ્તિકાનો વ્યાપક ઉપયોગ પંચાયતી રાજના સ્વસ્થ વિકાસમાં તેનો નમ્ર ફાળો નોધાવશે. અરવિંદભાઈ દેસાઈ
અંબુભાઈ શાહ પ્રમુખ, ગુજરાત બિરાદરી
ભાલનળકાંઠા પ્રાયોગિક સંઘ કેન્દ્રીય સરકારમાં બેઠેલા ૨૦ માણસોથી ચાલતા તંત્રને સાચી લોકશાહી ન કહેવાય. લોકશાહી તો છેક નીચલા સ્તરથી ચાલવી જોઈએ. અર્થાત દરેક ગામડાના લોકો જ લોકશાહીનું સાચું ચાલક બળ બની શકે
- મહાત્મા ગાંધી
