________________ ગ્રામ પંચાયતના હોદેદારો અને સભ્યોએ લેવા જેવો સંકલ્પ આપણે સંકલ્પ કરીએ કે : આપણા હકુમતનાં ગામ કે ગામોને સમયબધ્ધ રીતે રળિયામણાં બનાવીશું. આ માટે ગામના તમામ લોકોને સમજાવટથી તૈયાર કરીશું. ગામના નબળા વર્ગોના વિકાસ માટે અને તેમની સાથે ન્યાયોચિત વર્તન થાય તે માટે ખાસ કાળજી રાખીશું. જુથ ગામ પંચાયતનાં નાનાં કે નબળાં ગામોના વિકાસ માટે મુખ્યમોટું ગામ હોંશભેર પ્રયત્નશીલ રહે તે માટે અમે સજાગ રહીશું. ગ્રામ પંચાયતને અમે સત્તાના સાધન તરીકે નહિ પણ સેવાના સાધન તરીકે લેખીશું અને તે રીતે વર્તીશું. અમે જુથ, જાતિ, જ્ઞાતિ, કોમ કે હરકોઈ પ્રકારના ઉંચનીચના ભેદભાવથી પર રહીને સમગ્ર ગામના હિતમાં વહીવટ કરીશું. અમારા વહીવટ ઉપર ભ્રષ્ટાચારનો પડછાયો પણ ન પડે તે રીતે સભાનતાપૂર્વક વતીશું. ગ્રામસભામાં સમગ્ર ગામનાં આશા અને અરમાનનો ચેતનવંતો પડઘો પડે અને ગ્રામસભા ગામના સામુહિક પુરૂષાર્થના પ્રેરક સ્રોત તરીકે વિકસે તેવો જાગૃત પ્રયત્ન કરીશું. 64
