________________
પંચાયતનો ચોકીદાર, પોલિસવાળા કે અન્ય કોઈ પણ વ્યક્તિને તેને ડબ્બામાં પૂરી રાખવા માટે લઈ જઈ શકશે. આવું કરતાં કોઈ વ્યક્તિ અટકાવે તો તેવી વ્યક્તિ કોર્ટમાં દોષિત ઠર્યેથી છ મહિનાની કેદ અથવા રૂ. પાંચસો સુધીના દંડની અથવા બંને શિક્ષાને પાત્ર બને છે. (૩) ડબ્બામાં પૂરેલા ઢોરને છોડાવવા માટે માલિકે ડબ્બા ફી, ડબ્બા ખર્ચની રકમ તેમજ તારણની રકમ ભરવી પડશે. જો કોઈ માલિક આ રકમ ભરવાની ના પાડે તો પંચાયતે તેવું ઢોર જાહેર લીલામથી વેચી દેવું. (૪) ડબ્બામાં પૂરેલા ઢોરને સાત દિવસની અંદર છોડાવવા કોઈ માલિક હાજર ન થાય તેવા નધણિયાતા ઢોરને જાહેર લીલામથી પંચાયતે વેચી દેવું જોઈશે. આવા વેચાણના પંદર દિવસની અંદર ઢોરનો મૂળ માલિક હાજર થાય તો વેચાણમાંથી ઉપજેલ રકમમાંથી, ડબ્બા ફી અને ડબ્બા ખર્ચની રકમ કપાત કરીને બાકીની રકમ મૂળ માલિકને પંચાયતે આપી દેવી જોઈશે. મુદત અંદર આવો કોઈ માલીક દાવેદાર હાજર ન થાય તો ઉપજેલી તમામ રકમ ગામકંડનો ભાગ થશે.
(ક. ૧૮૬) (પ) લીલામથી વેચવા કાઢેલું ઉપરોકત પ્રકારનું ઢોર કોઈ ડબ્બાવાળો, પંચાયતનો કોઈપણ સભ્ય, નોકર કે પોલીસ અધિકારી ખરીદી શકશે નહી.
(ક. ૧૮૭) (૬) ડબ્બામાં પૂરેલા ઢોરનો માલિક પ્રથમ વર્ગના મેજીસ્ટ્રેટની દસ દિવસની અંદર આ અંગે ફરિયાદ કરી શકશે. ઢોરને ખોટી રીતે ડબ્બામાં પૂર્યું છે એવું સાબિત થશે તો જવાબદાર પાસેથી વળતર ઉપરાંત જે ફી કે ખર્ચ ઢોર માલિક પાસેથી વસુલ કરાયું હોય તો તે બધું ઢોર માલિકને પરત મળશે. (ક. ૧૮૮)
૩૩
