________________
રાત્રે જાહેરસભા થઈ. પછી ભજન રાખ્યું હતું. એમાં ભજનિકભાઈએ કહ્યું કે પહેલાં આપણે ત્યાં વાનપ્રસ્થાશ્રમની પ્રથા હતી. હું વાનપ્રસ્થ છું. બે છોકરા કમાય છે. અને હું આજથી નક્કી કરું છું. કે, યોજનાનું વેતન હું લેતો હતો. તે બંધ કરું છું. અને જનતાના આશ્રયે જીવન જીવવાનું નક્કી કરું છું. મારાં પત્નીનો એમાં ટેકો છે. મહારાજશ્રી અને પ્રભુ મને એ કાર્યમાં મદદ કરે.
મહારાજશ્રીએ પોતાની શુભેચ્છા આપતાં જણાવ્યું કે, ભજનિકભાઈનો આ નિર્ણય બહુ વિચારને અંતે થયો હશે. પ્રભુ તેમને એ પાળવાનું બળ આપે. એક વાતની હું યાદી આપું છું કે માણસ જ્યારે બિનવૈતનિક બની જાય છે ત્યારે તેની ભૂમિકા પણ બદલાઈ જાય છે. અને જયાં જનતા વધુ ચાહ બતાવે ત્યાં જવા મન લલચાઈ જાય છે. ભજનકભાઈ તેમ ન કરતાં આ કેંદ્રને પોતાની શક્તિ આપશે, એવી આશા રાખીશું.
અહીંના મુખ્ય આગેવાન છેલાભાઈ દામાભાઈ પટેલ(કોળી પટેલ) છે. તા. ૪-૪-૧૯૫૨ : આદરોડા
બેગામડાથી નીકળી આદરોડા આવ્યા. અંતર ચાર માઈલ હશે. ઉતારો પથાભાઈને મેડે રાખ્યો હતો. રાત્રે જાહેરસભા થઈ. અહીં જયંતીભાઈ અને ઉમેદભાઈ આવ્યા હતા. તેણે ગાંધી હાટ કાલાં ખરીદે, અગર એ જ ભાવે લઈને અમુક નાણાં આપે તે સંબંધી ચર્ચા વિચારણા કરી. તા. ૫-૪-૧૫૨ : ફાંગડી
આદરોડાથી ફાંગડી આવ્યા. અંતર નવ માઈલ હશે. ઉતારો ચોરામાં રાખ્યો હતો. રાત્રે જાહેર સભા થઈ. સાણંદથી મહાલકારી, શ્રી બોડાણાજી મળવા આવ્યા હતા. તા. ૬ થી ૧૨-૪-૧૯૫૨ : સાણંદ
ફાંગડીથી સાણંદ આવ્યા. અંતર પાંચ માઈલ હશે. ઉતારી દવાખાને રાખ્યો. બપોરના હરિજનવાસમાં છાત્રાલય શરૂ કરવા અંગે સભા રાખી હતી. તેમાં ગયાં. અને છાત્રાલયમાં ભંગીઓને પણ લેવાશે. તેને હરિજનભાઈઓ સ્વાવલંબી રીતે ચલાવશે.
૫૪
સાધુતાની પગદંડી
