________________
તા. ૨-૧૫ર : રાણપુરી
જાળિલાથી નીકળી ચંદરવા આવ્યા અંતર ત્રણ માઈલ હશે. અહીં આવવાનું કારણ લાલજીભાઈનો બળદ ચોરાયેલો એ બાબત ગામમાં ડખો હતો. તેની શાંતિ માટે આવવાનું થયું હતું.
ચંદરવાથી સાંજના રાણપુરી આવ્યા. ઉતારો નિશાળમાં રાખ્યો. અંતર સાડાત્રણ માઈલ હશે. અહીં રાત્રિ સભામાં ૨૨ માણસોએ ચા બીડી નહીં પીવાની પ્રતિજ્ઞા લીધી હતી. તા. ૮ થી ૧૧-૨-૧૫૨ : બરવાળા
રાણપુરીથી નીકળી બરવાળા આવ્યા. અંતર ચાર માઈલ હશે. ઉતારો ઉપાશ્રયમાં રાખ્યો હતો. રાત્રે જાહેર પ્રાર્થના પછી પ્રવચન થયું હતું. અહીં વિદ્યાર્થીઓ અને શિક્ષકો મૂઠી અનાજ માટે દર રવિવારે ટહેલ નાખતા. તે ચાર મણ સુધી અનાજ મળતું. આ અનાજ ગરીબ માણસોને વહેચી દેવામાં આવતું. પરંતુ હમણાં પરીક્ષાઓ અને અછતને કારણે બંધ પડ્યું હતું. પણ મહારાજશ્રીએ આગ્રહ રાખ્યો કે આ પ્રવૃત્તિ સારી છે અને ચાલુ રહે તો સારું એટલે ગામે ચાલુ રાખવાનું નક્કી કર્યું. તા. ૧૨-૨-૧૫૨ : ખમીદાણા
બરવાળાથી નીકળી ખમીદાણા આવ્યા. વચ્ચે રોજીત ગામમાં રોકાયા હતા. અંતર સાડા છ માઈલ હશે. ઉતારો ઉપાશ્રયમાં રાખ્યો હતો. રાત્રે જાહેરસભા સારી થઈ. તા. ૧૩-૨-૧૫ર : નાવડા (જૂનું)
ખમીદાણાથી નીકળી નવા નાવડા થઈને જૂના નાવડા આવ્યા. અંતર અઢી માઈલ હશે. ઉતારો ઉપાશ્રયમાં રાખ્યો હતો. રાત્રે જાહેરસભા સારી થઈ. તા. ૧૪-૨-૧૯૫૨ : પીપળિયા
નાવડાથી નીકળી પીપળિયા આવ્યા. અંતર પાંચ માઈલ હશે. વચ્ચે મોટું ભાડું આવે છે. તેમાં લિલકા નદીના ત્રણ વેકળા આવે છે. એમાં બહારવટિયા, ચોર ભરાઈ રહે એવી જગ્યા છે. ४४
સાધુતાની પગદંડી
