________________
૨૦ મીએ રાત્રે શહેરીઓ તરફથી કરશીભાઈના માનમાં નાસ્તા પાણીનો મેળાવડો ગોઠવ્યો હતો. તેમાં કુરેશીભાઈએ સુંદર પ્રવચન આપતાં જણાવ્યું કે, હવે ચૂંટણી પતી ગઈ. આપણે બધા એક થઈને સહકારથી પ્રજાહિતનાં કામ કરીએ. ચૂંટણીમાં અમારી ભૂલ થઈ હોય તો બંને પક્ષને માન્ય એવું પંચ નીમો. એ જો ભૂલ બતાવશે તો માફી માગી તેના પગ ચૂમવા તૈયાર છું. અમારામાંથી કોઈ ભાઈએ ભૂલ કરી હશે, તો હું માફી માગીશ. દ્વારકાદાસભાઈ જ્યારે પણ અમારો સહકાર માગશે ત્યારે હું દિલથી આપવા તૈયાર થઈશ.
તા. ૨૨મીએ ખાનબહાદૂર ઈસ્માઈલ દેસાઈ તરફથી સવારના ૯ વાગે પાર્ટી રાખી હતી. સાંજના મહારાજશ્રીએ વિહાર શરૂ કર્યો. વલ્લભભાઈની વાડીએ રોકાયા હતા. તા. ૨૩-૧-૧૫ર : વાગડ
વાડીએથી વિહાર કરી વાગડ આવ્યા. અંતર ચાર માઈલ હશે. ઉતારો રાયસિંહભાઈને ઉતારે રાખ્યો હતો. તા. ૨૪-૧-૧૯૫૨ : બરાનીયા
વાગડથી નીકળી બરાનીયા આવ્યા. અંતર ત્રણ માઈલ હશે. નિવાસ ઉતારામાં રાખ્યો હતો. તા. ૨૫-૧-૧૫૨ : નાગનેશ
બરાનિયાથી નીકળી નાગનેશ આવ્યા. અંતર ચાર માઈલ હશે. ઉતારો ઉપાશ્રયમાં રાખ્યો હતો. રાત્રે જાહેરસભા થઈ. અંબુભાઈ અને હરિભાઈ આવ્યા હતા. સૌરાષ્ટ્રનું આ ગામ છે. તેની ફરતે કોટ છે. એક પ્રવચનમાં મહારાજશ્રીએ જણાવ્યું કે, જેમ શરીર સ્વસ્થ કે તંદુરસ્ત હોય ત્યારે સામાન્ય બીમારી જણાતી નથી કારણ કે શરીરનું જોર બીમારીને દબાવે છે. તેવી જ રીતે સમાજનું બને છે. કટોકટી હોય છે, ત્યારે એ બીમારી દેખા દે છે. સામાન્ય સંજોગો ચાલે છે ત્યારે જેમકે ભરતીના પ્રસંગો આવતાં નથી, પણ એવો કોઈ વંટોળ આવે છે, ત્યારે આ બધી ગંદકીઓ બહાર આવે છે. આ ચૂંટણીમાં પણ આવું જ બન્યું છે. તે નહોતી આવી ત્યારે લાગતું હતું કે, બહુ જ સ્વસ્થતા અને નીતિ જળવાઈ સાધુતાની પગદંડી
૪૧
