________________
કે મુસ્લિમનો ધર્મ જુદો નથી. અલ્લાહ એક જ છે. ચાવલ, ચોખાના ઝઘડા છે. તેમજ જે ધર્મમાં ગાયોને કાપવી એ અધર્મ છે. અરબસ્તાનમાં જેમ ઊંટની જરૂર છે તો કાપતાં નથી. ત્યાં જરૂર છે. એવી જરૂર અહીં ગાયોની છે. માટે ના કાપવી. પણ એ વાત સમજાવવા માટે એમના દિલમાં પ્રવેશ કરવો જોઈએ. દૂરથી ઉપદેશ ના આપી શકાય. કદાચ દૂર કરીશું તો પણ એની વૃત્તિ બદલાઈ નથી ત્યાં સુધી એ પાપ કર્મથી અટકી શકવાનાં નથી. આપણે જેટલી ઉપેક્ષા કરી છે તેટલું જ નુકસાન થયું છે.
હમણાં જવાહરલાલે કહ્યું કે હું હિંદુ મહાસભાનું નામ સાંભળું છું ને મારું મોઢું કડવું થઈ જાય છે. આ વાતનો ભાવ સમજવા જેવો છે. અખંડ ભારત જોઈએ. તે આજે મુસલમાનને નામે બહાર આવે છે. કાલે મહારાષ્ટ્રીયન નામે પછી બ્રાહ્મણ કે પાટીદારને નામે બહાર આવશે. રાજાશાહી પણ એટલા જ માટે બહાર પડી છે. મૂડીવાદ પણ એટલા જ માટે બહાર પડ્યો છે. નામ ભલે જુદાં આપો. કોઈને ખ્યાલ પણ નથી કે આપણે ક્યાં જઈ રહ્યા છીએ. આજે દુનિયામાં જોઈશું તો બે ભાગ સ્પષ્ટ પડી ગયા છે. એક બાજુ મૂડીવાદી દેશો બીજી બાજુ ગોળીથી સરખા કરવાના ધ્યેયવાળાં બળો ખડાં છે. આ બળો ખોટાં છે. તેની વચ્ચે તટસ્થ રહીને સંધિ કરાવીને સાચો રાહ બતાવવાનું કામ હિદને માથે આવી પડ્યું છે. દુનિયા આ ચૂંટણી સામે મીટ માંડીને જોઈ રહી છે. એટલે ભારતની પ્રજાની કસોટી થવાની છે.
બપોરે સભા કરી. સાંજના બગડ આવ્યા. અંતર બે માઈલ હશે. ઉતારો ઉપાશ્રયમાં રાખ્યો હતો. રાત્રે જાહેરસભા થઈ. કુરેશીભાઈ વગેરે આવ્યા હતા. તા. ૨૧-૧૨-૧૯૫૧ : ગોધાવટી
બગડથી નીકળી ગોધાવટી આવ્યા. અંતર ત્રણ માઈલ હશે. લોકો સાથે વાતો કરી. સાંજના ગૂંદા ગામે આવ્યા. અંતર બે માઈલ હશે. ઉતારો ઉતારામાં રાખ્યો. રાત્રે સભા રાખી હતી. તા. ૨૨,૨૩-૧૨-૧૯૫૧ ઃ ખાંભડા
ગોધાવટીથી નીકળી ખાંભડા આવ્યા. અંતર ત્રણ માઈલ હશે. ઉતારો નિશાળમાં રાખ્યો. રાત્રે સભા રાખી. સાધુતાની પગદંડી
૩૭
