________________
હિંદ, પાકિસ્તાનની એકતાની વાતો કરે છે. અંતરમાં ફેષ ભર્યો છે. એટલે એ કેવી રીતે બની શકવાનું છે? એટલે લાયક મુસ્લિમ હોય તેમને આપણે અપનાવી લેવા જોઈએ. તેમને આપણા જેટલા જ અધિકારો મળવા જોઈએ. જનતાને આખી વાત સમજાવી જોઈએ. સામાન્ય પ્રજા તો ગતાનુગત ચાલતી હોય છે. આ ચૂંટણી કાળ વખતે પ્રજાનું ઘણી જાતનું ઘડતર થવાનું છે. સેવકોએ આ તક ઝડપી લેવી જોઈએ. તા. ૧૨-૧૨-૧૯૫૧ ઃ ગુંજાર
વાગડથી નીકળી ગુંજાર આવ્યા. અંતર ચાર માઈલ હશે. ઉતારો ઉતારામાં રાખ્યો હતો. આ ગામ લિબડી ઠાકોર સાહેબના નાનાભાઈનું છે.
અહીં શ્રી મોરારજીભાઈ દેસાઈ (મુંબઈ રાજયમંત્રી) મહારાજશ્રીને મળવા આવ્યા હતા. મહારાજની સાથે વાતો થઈ. જાહેર સભા પણ થઈ. ગામે કોંગ્રેસને મત આપવા ઠરાવ કર્યો હતો. તા. ૧૩-૧૨-૧૯૫૧ : અણિયારી-ભીમજી
ગુંજારથી નીકળી અણિયારી-ભીમજી આવ્યા. અંતર ત્રણ માઈલ હશે. ઉતારો નટુભા રાણુભાનો મેડો રાખ્યો હતો. બપોરના જાહેર સભા થઈ. કોંગ્રેસને મત આપવા ઠરાવો થયા હતા.
અહીં સરકાર તરફથી ઊન વણવાની તાલીમશાળા ચલાવવામાં આવે છે. તા. ૧૩-૧૨-૧૯૫૧ : સાલાસર
અણિયારીથી નીકળી સાંજના સાલાસર આવ્યા. અંતર સાડા ત્રણ માઈલ હશે. ઉતારો જૈન મંદિરમાં રાખ્યો હતો. રાત્રે જાહેર સભા થઈ હતી. તા. ૧૪-૧૨-૧૯૫૧ : ઊંચડી
સાલાસરથી ઊંચડી આવ્યા. અંતર ચાર માઈલ હશે. ઉતારો દરબારી ઉતારામાં રાખ્યો હતો. દ્વારકાદાસભાઈ મળવા આવ્યા હતા. (ચૂંટણીના એક પક્ષ ઉમેદવાર) તેમની સાથે કેટલીક વાતો થઈ. પણ તેઓ પોતાના મનમાં પૂર્વગ્રહ બાંધીને આવેલા. એટલે આક્ષેપાત્મક વાતો કરી. ગુસ્સે થયેલા હતા એટલે જરા ગરમાગરમ ચર્ચા થયેલી. ચૂંટણીમાં એકબાજુ કરશીભાઈ કોંગ્રેસ તરફથી ઊભા રહેલા છે તો સામે પક્ષે તેઓ ઊભેલા હતા. ૩૪
સાધુતાની પગદંડી
