________________
કોંગ્રેસીને ભારપૂર્વક કહું છું કે કોંગ્રેસને ટેકો આપજો. મને લોકો કહે છે, હું કોંગ્રેસી પ્રચારક છે. એક રીતે હું એ માટે ગૌરવ લઉં છું, પણ હું કોંગ્રેસના ખોખાને નથી પૂજતો. તેના આત્માને પૂછું છું. તા. ૫-૬-૧૫૧ : સરોડી
ધોળકાથી નીકળી સરોડી આવ્યા. અંતર છ માઈલ હશે. ઉતારો નિશાળમાં રાખ્યો હતો. રાતે લોકો સાથે આ ગામના પ્રશ્નોની ચર્ચા કરી હતી. તા. ૨૬-૬-૧૯૫૧ : શેઠ
સરોડીથી નીકળી કોઠ ગયા. અંતર છ માઈલ, ઉતારો નિશાળમાં રાખ્યો. વિદ્યાર્થીઓ અને ગામલોકોએ વાજતે ગાજતે સામે આવી સ્વાગત કર્યું. રાત્રે જાહેરસભા રાખી હતી. સભામાં નિશાળના મકાન માટેનો પ્રશ્ન મુખ્ય ચર્ચાયો હતો. તા. ૨૬-૧૯૫૧ : જવારજ
કોઠથી પ્રવાસ કરી જવારજ આવ્યા. અંતર છ માઈલ. ઉતારો છગનભાઈને ત્યાં રાખ્યો હતો. અહીં ફલજીભાઈએ લક્ષ્મીપુરામાં ધાડ પડી હતી તે અંગે રસિક અને ગંભીર વાતો કરી. વાહણપગીની બહાદુરી ‘તેની પગેરું કાઢવાની રીત, અનુમાનો વગેરે વિગતોથી સૌ ચકિત થઈ ગયાં. ઈન્સ્પેક્ટર પગારે બહુ મદદ કરી. એમણે એક ઘેર જમી કરી ચોરીનો મુદ્દામાલ મેળવી આપ્યો હતો. તા. ૨૮,૨૯-૬-૧૯૫૧ ઃ ગુંદી
જવારજથી ગુંદી આવ્યા. અંતર ચાર માઈલ. પ્રથમ દિવસ અચલેશ્વર મહાદેવમાં ગાળ્યો. ત્યાંના ભાઈ બહેનોએ સ્વાગત કર્યું. બપોરના વિદ્યાર્થીઓ સાથે વાર્તાલાપ રાખ્યો હતો. તે પછી કાર્યકર્તાઓએ દરેક જણે પોતપોતાના કેંદ્રની માહિતી આપી. મનુભાઈએ નિશાળ અંગે કહ્યું કે પહેલાં લોકો છોકરા ભણાવવા બહુ રસ લેતા હતા. હવે મોકલતા નથી. અમલદારી શિથિલતા અંગે ફરિયાદ કરી. નવલભાઈ શાહે આજની ખાદીકામની નિશાળોની નિષ્ફળતા વર્ણવી. કોઠ જેવી શાળામાં ૫૦ રૂપિયાના ફંડમાંથી દરરોજ બે કલાક ઉદ્યોગનો હોવા છતાં રૂપિયા ૨૦ની
૧૮
સાધુતાની પગદંડી
